O lindano tamién ha enverenau l’augua d’os ibons d’o Pirineu de Uesca

O lindano habría arribau t'os ibons por corrients atmosfericas. O nivel de concentración d'o pesticida pareixe estar muit baixo

Ibón de Sabocos. Foto: Quim Pagans (CC-BY)

Ibón de Sabocos. Foto: Quim Pagans (CC-BY)

Investigadors d’a Universidat de Zaragoza ha detectau restas de lindano en l’ibón de Sabocos, un d’os quasi 200 ibons que existen en o Pirineu uescano, a 1.900 metros d’altaria y a 30 kilometros de Samianigo, do fue instalada a fabrica de pesticidas que os suyos vertius contaminoron a zona dende fa mas de 30 anyos.

Os scientificos, que creyen que o producto i ha plegau transportau por corrients atmosfericas dende os verteders do se depositoron os repuis, han amostrau a suya preocupación y no descartan que o vereno haiga plegau ta atros ibons, encara que con muit baixas concentracions en totz ells.

Os compuestos organicos como os isomeros de HCH, gosan volatilizar-se y pasan ta l’atmosfera pa estar transportaus por as corrients. Quan aconsiguen cotas altas, l’aire mas fredo los condensa y precipitan en a tierra”.

Os investigadors afirman que as cantidatz trobadas, encara que son mil veces menors que lo maximo permitiu, “ya son significativas que bella cosa rariza ye ocurrindo en unas auguas do no habría d’haber-ie cosa“. L’augua d’os ibons abasteixe a os ríos d’o Pirineu en a cabecera.

O lindano yera un d’os productos que Inquinosa fació servir en a suya planta de pesticidas de Samianigo entre os anyos 1975 y 1990, dica que as denuncias d’os ecolochistas y a prohibición d’o producto la obligoron a zarrar y marchar ta Africa.

Mientres ixes anyos, a fabrica depositó os suyos repuis en quantas instalacions d’a zona que no reuniban os requisitos necesarios pa almagazenar-los, por o que han iu a filtrar-se t’o subsuelo entre mas de trenta anyos, contaminando aqüifers que abasteixen o río Galligo, de do s’abasteixen en a zona. Os vecins de quantos lugars, que levan mas d’un mes sin poder beber augua d’a ixeta, no se fían d’as informacions que da o Gubierno d’Aragón sobre os nivels de contaminación d’as suyas auguas.

Fuent: http://elventano.blogspot.com.es/2014/10/el-lindano-tambien-ha-envenenado-los.html

Una rispuesta a O lindano tamién ha enverenau l’augua d’os ibons d’o Pirineu de Uesca

  1. Pingback: O lindano tamién ha enverenau l’augua d’os ibons d’o Pirineu de Uesca | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.