O Lumbrerón de Pozuelo d’Aragón ye declarau Bien Inventariau d’o Patrimonio Cultural Aragonés.

Ista construcción ye calificada como un d'os exemplos más importants de l'arquitectura popular d'o Moncayo.

O Lumbrerón de Pozuelo d'Aragón (Foto: Turismo de Zaragoza)O Departamento d’Educación, Universidat, Cultura y Esporte ha decidiu declarar a la construcción denominada o Lumbrerón de Pozuelo d’Aragón, Bien Inventariau d’o Patrimonio Cultural Aragonés.

 

Se troba situau en a marguin d’a carretera entre Borxa y Rueda de Xalón, a cinco kilometros de distancia d’a localidat zaragozana. Ye una construcción pastoril de caracter auxiliar, quala función ye vinculada a la ganadería. Se tracta d’una caseta de planta circular y muros de mampuesto con falsa cupula, que le proporciona un aspecto morfolochico parellano a las lumbreras d’as viellas bodegas u a bellas neveras, como a de Fuent de totz, por ixemplo.

 

O suyo elemento identificativo ye l’alta cubierta de falsa cupula por aproximación de filadas. Ista altura le permitiba un piso interior de fusta, talment ta esferenciar a cuadra en a parti d’abaixo y o primer piso elevau como pallar ta l’alimentación d’o ganau.

 

Fa parti de l’inventario de l’arquitectura popular existent en as redoladas de Campo de Borxa, Tarazona y o Moncayo reyalizau en 2004, que lo califica como “un d’os exemplos más importants de l’arquitectura popular d’o Moncayo”.

Fuent: http://www.comarcas.es/index.php/mod.noticias/mem.detalle/idnoticia.6572/relcategoria./chk.2e231370ae8ccdf2652ccc794a60f556.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.