O Matarranya leyerá a Lombarte en Sant Chorche

Os vecins leyerán de traza ininterrumpida os suyos poemas

Portalada d'o libroCon a enchaquia d’o Diya Internacional d’o Libro y a fiesta de Sant Chorche, patrón d’Aragón, a Comarca de Matarranya ferá una lectura ininterrumpida d’os poemas d’o libro Ataüllar el món des del Molinar de Desideri Lombarte.

Qui quiera participar-ie ha de trigar un poema y apuntar-se en a siede d’a Comarca u en ASCUMA (Associació Cultural del Matarranya) O mesmo texto puet leyer-se de conchunta entre varias personas. A lectura prencipiará a las 12:00 d’o diya 23 en a Plaza Espanya de Calazeit.

Con ista iniciativa se quier fer conoixer a gran riqueza literaria d’o Matarranya. A primer edición s’adedicará a la obra de Desideri Lombarte, escritor de Penyarroya de Tastavins naixiu en 1937 y muerto en 1989 en Barcelona, qui deixó buena cosa de obras de poesía, narrativa, rechira y mesmo teyatro. O libro Ataüllar el mon des del Molinar puet torbar-se en a web www.comarcamatarranya.com

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.