O ministerio de Fomento espanyol se compromete a fer nuevas vías dica 2024

Con l’horizonte posau en l’anyo 2024, a ministra espanyola de Fomento, Ana Pastor, anunció ahiere en o Senau espanyol actuacions d’o suyo ministerio en as vias de gran capacidat aragonesas. As actuacions prencipiarian por a construcción de 388 kilometros de nuevas autovías con una inversión de 2.254 millons d’euros, y 27 kilometros de carrils nuevos en autovías ya en servicio, con un coste de 25 millons d’euros.

As vías que detalló a ministra son l’A-2 entre Alfajarín y Fraga, l’A-68 entre Figueruelas y Mallén y entre Zaragoza y Castellón, as autovías A-21, A-22 y A-23 entre Pamplona, Uesca, Chaca y Lerida, l’A-40 entre Cuenca y Teruel, l’A-24 entre Daroca y Calatayú, l’A-14 entre Lerida y Sopeira, l’A-15 entre Soria y Tudela.

Amas, y siempre seguntes os plans presentaus por Ana Pastor, s’estudiará l’amillora de l’eixe pirenaico. Tamién anunció a ministra os plans ta l’estudeo de l’AVE Zaragoza-Teruel, Teruel-Sagunto y Zaragoza-Tudela, asinas como “siguir triballando” en o prochecto d’a TCP, con “os cinco millons d’euros concedius por a Comisión Europeya”. Tampoco no concretó a linia d’o Canfrán, d’a que dició que se “siguirá triballando con l’obchectivo de esviellar-la”

Más kilometros en atras comunidatz autonomas

Pero l’anuncio d’a ministra espanyola no nomás se quedó en Aragón. Ana Pastor anunció actuacions de más de 300 kilomentros en Extremadura, 152 en A Rioxa, 77 en Murcia, 700 en Castiella-A Mancha, y asinas asinas. Un camatón de kilometros de nuevas actuacions en infrastructuras que coincide con as grans retalladas en os presupuestos d’os zaguers anyos, por o que dende la oposición s’ha criticau que a calendata porque “o 2024 pareixe una calendata machica”, seguntes o PSOE y d’amagar a verdadera cara d’as retalladas en o ministerio.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.