Exteriors trobaría “inadmisible” interferir en a independencia d’Escocia.

Asegura que "en garra caso" s'ha tresladau a Londra preocupación por os plans d'Alex Salmond pero alerta de que os casos britanico y espanyol "no tienen mica que viyer".

José Manuel García-Margallo y Marfil, ministro d'Afers Exteriors d'o Gobierno d'Espanya. (Foto: es.wikipedia.org)

O ministro d’Afers Exteriors espanyol, José Manuel García-Margallo y Marfil, consideraría “inadmisble” que l’estau fese expresar o suyo malestar a Londra por os debates sobre a independencia d’Escocia (àudio, mp3). García-Margallo ha negau que o gobierno espanyol haiga expresau o suyo temor por a celebración d’un referendum d’independencia a o gobierno britanico, como apunt apuntaba iste cabo de semana o diario anglés The Independent. “En garra caso s’ha tresladau garra malestar” ha dito García-Margallo en una charrada de prensa en Brusseles, an que ha destacau que a independencia escocesa ye un “proceso interno” britanico. O ministro ha asegurau que as situacions constitucionals en o Reino Uniu y en l’estau espanyol “no tienen mica que viyer”.

Seguntes o diario The Independent,o gobierno espanyol ye niervudo por a decisión d’Escocia de convocar un referendum sobre a independencia en 2014 y por o posible efecto que podese tener en bells comunidatz de l’estau espanyol. Asinas lo han feito saber miembros d’o gobierno espanyol a o gobierno britanico, a os quals han manifestau a voluntat de vetar l’ingreso d’una Escocia independiente en a Unión Europeya. L’estau espanyol ya se negó a reconoixer a independencia de Kosovë, estando un d’os pocos estaus eurpeus que no lo ha feito.

Si en Escocia ganase o sí a la independencia, seguntes o gobierno britanico, caldría una negociación d’entre os parlamentos d’Escocia y o de Gran Bretanya para parar a secessión d’Escocia. Gran Bretanya acceptaría a independencia escocesa, pero quiere negociar questións sensibles, como l’acceso a o petrolio d’a mar d’o Norte. Alavez, dengún no sabe qué implicación tendría ixo en terminos de pertinencia en a Unión Europeya. Bi ha qui opina que Escocia habría de tornar a demandar l’adhesión; qui creye que habrían de tornar a demandar-la totz dos, Escocia y Gran Bretanya; y qui sostien, como ditz o Partiu Nacional Escoces, que Escocia ya ye en a Unión y que, por tanto, no caldría garra adhesión nueva. Tamién caldría viyer qué fuerza reyal tendría la oposición de l’estau espanyol en ista adhesión.

Fuent: http://www.vilaweb.cat/noticia/3974865/20120123/ministre-garcia-margallo-trobaria-inadmissible-interferir-independencia-descocia.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.