O Molinet d’Alcanyiz se reformará ta amillorar a suya imachen urbana

Un convenio de colaboración entre Ministerio d'Agricultura y Diputación Provincial de Teruel -propietaria d'a torre dende 2008- ferá posible l'asperada reforma

Río Guadalope en Alcanyiz. Foto: Wikimedia Commons

Gracias a la sinya d’un alcuerdo entre todas as administracions bi implicadas, o conoixiu como Molinet d’Alcanyiz podrá estar restaurau, aintro d’as actuacions que son contempladas en o Plan d’Ordenación Urbana. Se tracta d’un prochecto que contará con un presupuesto de 57.118,40 euros, incluyius en o Prochecto global d’actuación que actualment ye dotau de 230.000 euros, financiaus de raso por o Ministerio d’Agricultura, Alimentación y Meyo Ambient.

Dende 2008, o Molinet (un antigo molino farinero que a metat d’o sieglo XIX pasó a estar una fabrica de filaus) ye propiedat d’a Diputación Provincial de Teruel (DPT), una compra con a que se pretendeba creyar, aproveitando bells d’os suyos elementos mas caracteristicos, un ‘Centro d’Interpretación d’as Rutas d’Obras Historicas d’o Baixo Aragón’.

Muito antis de que a DPT chestionase a compra, a torre ya yera catalogada d’intrés historico ta Alcanyiz. Agora, as Administracions bi implicadas consideran que a suya rehabilitación milloraría a imachen urbana y arquitectonica d’a marguin d’o río. Ta lograr-lo, a Diputación sinyó o dito convenio con o Ministerio d’Agricultura, de traza que se facilitó a obtención de 230.000 euros destinaus a o desembolique rural sostenible t’o Centro d’Interpretación d’Auguas d’Alcanyiz y a reforma d’o Molinet que agora s’acometerá.

Fuent: http://www.aragon2.com/n-20390-5-Molinillo_Alcaniz_reformara_para_mejorar_imagen_urbana

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.