O “Mundialet antirracista” de Zaragoza se chugará o 18 de mayo

Mientres tot lo diya bi habrá torneus de futbol, baloncesto y tenis de mesa, antimás d'atras actividatz

cartel

A cinquena edición d’o Mundialet antirracista de Zaragoza se chugará iste 18 de mayo en o Centro Esportivo Municipal “La Granja”. Mientres tot lo diya, os equipos que se i apunten, se ferán campionatos de futbol, baloncesto y tenis de mesa.

A organización ha tornau a insistir en que “importa igual a procedencia, a color d’a piel, u o sexo ta poder convivir totz chuntos” y que “somos capables de contrimostrar-les que totz somos iguals“. T’o mundialet se pueden apuntar asociacions de vecins, colectivos socials, clubs esportivos, asociacions d’inmigrants u simplament collas d’amigos. Os equipos son mixtos y cal un minimo de seis personas por equipo de futbol y de quatre t’o baloncesto.

Antiparti d’os torneus, tamién bi habrá un partiu amistoso de balonmano, un concurso de triples y una exhibición de Roller derby. T’os participants bi habrá augua, sucos y fruita y antimás se ferá una chenta popular por nomás 4 euros ta qui quiera.

Qui siga intresau puet rechistrar a lo suyo equipo en Vía Láctea (Dr. Palomar 25), Urban Hell (D. Teobaldo, 10-12), Kopyfax (Corona de Aragón, 53) u o CSO Kike Mur en a Plaza d’a Memoria. Antimás tamién se pueden inscribir os equipos por internet escribindo a mundialitoantiracistazaragoza@gmail.com.

A organización d’o mundialet remera antimás que “encara que a totz nos fa goi de ganar, no ye ixe l’obchectivo primordial d’ixe diya”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.