O municipio de Torla cambeará o suyo nombre por Torla-Ordesa

O consello de Gubierno aragonés dio o visto bueno. O cambeo podría aumentar os ingresos recibius d'o sector turistico

Torla. Foto: Juan R. Lascorz (CC-BY-SA)

Torla. Foto: Juan R. Lascorz (CC-BY-SA)

O pleno d’o concello de Torla aprebó una moción o pasau 23 d’aviento por a que cambeaba o nombre d’o municipio por Torla-Ordesa. Agora que, amenistaba l’aprebación d’o consello de Gubierno aragonés, que en a reunión d’ahiere dio validez a dito cambeo.

Seguntes a moción aprebada por o concello, iste cambeo de nombre se debe a que o nuevo nombre puede amillorar os ingresos recibius d’o turismo, pus amilloraría a ubicación d’o municipio como que a val d’Ordesa ye bien conoixida dentro y difuera d’Aragón.

No i habió garra reclamación en contra d’o cambeo de nombre y o Consello Asesor d’Heraldica y Simbolochía d’Aragón y a Dirección Cheneral d’Administración Local dioron o suyo visto bueno.

Una rispuesta a O municipio de Torla cambeará o suyo nombre por Torla-Ordesa

  1. Pingback: El municipio de Torla cambiará su nombre por Torla-Ordesa [arg]

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.