O Museu de Zaragoza organiza una sesión sobre o mito romantico

L'actividat, aintro de Zaragoza Misteriosa, se fa con a enchaquia d'a fiesta de Totz os Santos

O cuadro "Doña Juana La Loca recluida en Tordesillas 1907" (Imachen: D.Ch.A.)

O cuadro “Doña Juana La Loca recluida en Tordesillas 1907” (Imachen: D.Ch.A.)

Con a enchaquia d’a fiesta de Totz os Santos y aintro de l’actividat Zaragoza Misteriosa, o museu ha presto una visita especial o venient viernes, 2 de noviembre, a las 12.00.

A traviés d’una d’as pinturas historicas más famosas d’o pintor aragonés Francisco Pradilla, “doña Juana La Loca recluida en Tordesillas 1907”, y en o diya que se fan 91 anyadas d’a muerte suya, os responsables d’o museu amanarán a los participants a biografía de Donya Juana I de Castiela y a la creyación d’o mito romantico de Juana “la barrenada” y Felipe “o poliu”.

Antimás, mientres a hora que dura l’actividat, se ferán conoixer as caracteristicas d’o ideyario romantico: historia y leyendas, destino, amor, adversidat, celos y muerte.

Ta participar-ie cal meter-se en contacto con o museu a traviés d’o telefono 976 222 181. A dentrada ye de baldes y se conta con un aforo amugau a bellas 20 personas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.