O palacio de Sabinyán continará catalogau como solicitaba APUDEPA

O Tribunal Supremo desestima o recurso d'a propiedat y reconoixe a catalogación solicitada por APUDEPA.

Imachen d'o Palacio d'Argillo u de Sabinyán

Imachen d'o Palacio d'Argillo u de Sabinyán

L’Asociación d’Acción Publica t’a Esfensa d’o Patrimonio Aragonés, APUDEPA, ha feito publica hue a Sentencia d’o Tribunal Supremo de 29 de noviembre de 2011 por a qual se desestima o recurso de casación interposau por a propiedat d’o palacio d’os Condes de Argillo en Sabinyán contra a catalogación de l’edificio.

Os recurrents, amás, habrán de bosar as costas. APUDEPA ha recordau que gracias a os continos triballos de l’Asociación en pro d’a conservación de l’edificio, o palacio contina hue en piet y ha tornau a solicitar a las administracions ta que actúen con urchencia ta protechir a totalidat d’o bien catalogau.

Seguntes APUDEPA iste trango ha de resultar esencial en a definitiva protección d’o palacio, l’estau d’o qual encara contina estando preocupant.

A Sentencia afirma que “bien puede decirse, en línea con lo sostenido en su escrito de oposición por APUDEPA, que existen bienes en situación de ruina que constituyen patrimonio de la humanidad. (…) De forma que la situación de ruina de un inmueble no es, como regla general, un obstáculo para su protección”. Istas afirmacions han feito muito goyo en l’asociación por a consideración churidica d’o patrimonio cultural.

Una rispuesta a O palacio de Sabinyán continará catalogau como solicitaba APUDEPA

  1. José Mª Satué

    Me pareixe muit bien a esfensa que APUDEPA fa d’o nuestro patrimonio cultural y tamién que vusotros tos fagaz eco y detz notorio en aragonés.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.