O Papa Benedet XVI plegará en o cabo d’o mes

Ye a primera renuncia d'un Papa dende 1294. L'ha anunciau l'achencia publica de noticias italiana Ansa

benedet XVIO Papa Benedet XVI (Twitter) ha anunciau que deixará o pontificau o 28 de febrero. L’ha dito en latín mientres o consistorio t’a canonización d’os martirs d’Otranto, arguyindo que le faltan fuerzas. ‘Siento o peso de l’encargo, plego por o bien d’a Ilesia’, ha dito. Y ha adhibiu, a os cardenals, mientres o consistorio: ‘Habendo examinau repetidament a mía consciencia debant de Dios, he plegau en a certeza de que as mías fuerzas, por a edat abanzada, ya no son as que ferían falta ta exercer de traza adequada o ministerio de Sant Pero.’ (Comunicau entero).

A primera abdicación d’un Papa dende 1294

Benedet XVI puede decidir o suyo nuevo puesto en a Ilesia, pero no quí habrá d’estar o suyo sucesor. O feito de que un Papa decida de plegar ye absolutament insolito. Nomás i hai un precedent, fa quasi ueito sieglos: Celestín V plegó en 1294, dimpués d’uns pocos meses como Papa porque dengún no l’heba presto y no se trobaba capable t’o pontificau. De feito, se puede considerar que a renuncia de Benedet XVI ye a primera abdicación formal d’un Papa, ya que ta muitos analistas quasi no se puede ni considerar que Celestín V hese exerciu realment como Papa.

O zaguer tuit

O Papa, a la fin de l’Angelus d’ahiere, fació un tuit que, seguntes parte d’a prensa italiana, yera ya premonitorio: ‘Hemos de tener fe en a fuerza d’a misercordia de Dios. Somos totz pecadors, pero a suya gracia nos transforma y nos renueva.’ O tuit ha estau retuiteyau, en anglés, ueito mil veces.

A renuncia se ferá efectiva nomás a quatro días d’as eleccions italianas. Podetz seguir as reaccions a l’anuncio de politicos y personalidatz de todas partes en ista pachina d’a Repubblica.

Fuent: http://www.vilaweb.cat/noticia/4083225/20130211/papa-benet-xvi-plegara-final.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.