O Papa habría d’empentar a las monchas a prener a pildora

Un estudio revela que as monchas tienen mas posibilidatz de padeixer cancer puesto que no tienen fillos ni los amamantan.

Seguntes una investigación australiana as monchas catolicas podrian aminorar o riesgo de padeixer cancer prenendo a pildora

Kara Britt, investigadora de cancer en a Universidat Monash de Melbourne y Rogert Short, biologo d’a Universidat de Melbourne, han publicau recientement unainvestigación en a revista medica “The Lancet” an que detallan os riesgos extra de padeixer cancer que as monchas enfrontan dende fa sieglos debiu a que d’entre as mullers que no se quedan embarazadas ni dan o peito a os suyos fillos tienen mas veces o periodo mientres a suya vida y padeixen una baixada d’a protección contra o cancer de mama, ovario y utero en contimparación con a resta de mullers.

 

Por iste motivo, expertos australianos sostienen que a Ilesia catolica habría de subvencionar que as suyas monchas prenan a pildora anticonceptiva, a fin de paliar o riesgo extra de padeixer cancer asociau a una vida de celibato.

 

Short accepta que a Ilesia catolica no vieda l’emplego d’a pildora con fins no anticonceptivos, pero critica que tampoco no lo empente. Como rispuesta, o secretaire cheneral d’a conferencia episcopal australiana, Brian Lucas, sostiene que no veye que calga empentar l’emplego d’a pildora, una vez permitida; y tamién afirmó que ye más important esferenciar “d’entre si se fa servir con fins anticonceptivos u fins medicos. A más apuntó que a pildora tamien tien riesgos ta la salut, como la trombosis.

Fuent: http://www.eluniversal.com/vida/111208/expertos-instan-al-papa-a-fomentar-que-las-monjas-tomen-la-pildora

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.