O PAR dentra en l’executivo de Rudi con a tornada d’Arturo Aliaga

José Luis Saz levará Ficienda y Modesto Lobón pasa t'Agricultura

 Encara que dició que con menos de 8 diputaus no dentraria en o gubierno, y a tamás que ya teneba bellas direccions chenerals, o PAR torna ta l’executivo aragonés d’a man d’Arturo Aliaga, que será nuevo conseller de Innovación y Tecnolochías. A restructuración d’o gubierno se debe a la baixa de Mario Garcés que marcha ta o gubierno espanyol en una subsecretaria, y a la baixa por malotía d’o conseller d’Agricultura, Federico García López.

Modesto Lobón, dica agora conseller d’Innovación, pasa ta Agricultura, mientres que o vuedo deixau por Garcés en Ficienda estará ocupau por José Luis Saz. A renovación d’o gubierno de Rudi se fa tres meses dimpués d’a suya constitución, y premite a dentrada d’o PAR, agora en coalición con o PP, dimpués de 12 anyos gubernando con o PSOE

2 Rispuestas a O PAR dentra en l’executivo de Rudi con a tornada d’Arturo Aliaga

  1. Bi ha una coseta que no entiendo garra bien, por que ista chen d’o PAR se clama aragonesista? a yo no me dentra en o tuzuelo,francament. Espanyoleros de cachirulo y palomica palomica… anticatalanes y prou.
    Dame pesebre y clamame ababol u espanyol que conye.

  2. No busques cosa coderent como partiu pulitico en ixa colla de chent que namás esfenden intreses presonals y prou. Ye triste, pero sigue votandolis muita chent. Chent que de seguras son iguals que ers.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.