O PAR esviella a suya identidat sin privar de continar estando clau en os gubiernos aragoneses

S'ubre o camín ta la fin d'a presidencia de José Ángel Biel en o partiu rechionalista

 O PAR no renuncia a o suyo aragonesismo ni a continar estando clau en os gubiernos. Son as dos principals conclusions d’a convención d’o partiu rechionalista cilebrada en Zaragoza. O president d’a formación, José Ángel Biel, ha clamau a recuperar a principalidat d’Aragón en Espanya como clau ta o desembolique d’o país.

José Ángel Biel ha tornau a emponderar a importancia d’o modelo autonomico y ha achugau porque si cal reducir bella cosa no sía en as Autonomías, porque “o que sobra ye parafernalia en Madrit”. O buenpasar no se mantendrá retallando servicios publicos, ha dito.

O president Biel tamién ha asegurau que o suyo papel a partir d’agora será remanir dezaga en la luita por Aragón, una vegada deixe a presidencia d’o PAR, pero cosirando ta que garra miembro d’a formación s’esvarre d’o camín. Ixe camín t’o PAR suposa a esfensa de l’augua, o patrimonio y a bilateralidad d’Aragón con l’estau espanyol. Biel ha acabau pedindo a os militants que aconsigan cadagún cinco nuevos miembros, ta aconseguir arrasar” en as proximas eslecions.

Tamién s’ha referiu a ixo o vicepresident d’o PAR, Alfredo Boné, qui ha afirmau que lis cal elaborar un plan d’acción electoral ta tornar a tener presencia en o Concello d’a capital aragonesa.

O prochecto d’o PAR, ha manifestau Biel, ye aspirar a creyar país, pero, ya que no puede fer-lo de traza unilateral, le ye indispensable pactar.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.