O PAR presenta alegacions a la lei d’administracions locals

O Partiu Aragonés quier que a lei reconoixca a singularidat d'a organización territorial d'Aragón y d'as comarcas.

Joaquin Peribañez (Foto: FEMP)

Joaquin Peribañez (Foto: FEMP)

O Partiu Aragonés ha presentau debant d’a Federación Espanyola de Municipios y Provincias una serie d’alegacions a lo abantprochecto de Lei t’a Racionalización y Sostenibilidat de l’Administración Local. Asinas, o PAR se ratifica en o voto particlar que ya fació t’o primer informe feito por a propia FEMP.

O diputau Joaquín Peribañez, alcalde de Calamocha y representant d’o partiu en a comisión executiva d’a FEMP quier que “a lei reconoixca a singularidat d’a organización territorial propia d’Aragón en Comarcas”. En iste sentiu demanda d’incluyir-ie un articlo que fixe que serán os Consellos Comarcals qui tiengan as competencias que a lei da a las Diputacions provincials, quan asinas lo diga a lechislación autonomica.

O PAR tamién ha feito alegacions atro articlo que preba de sacar a personalidat churidica a las entidatz de demba más chicota que o municipio, y que fería desapareixer as 43 entidatz locals menors que bi ha hue en Aragón. Seguntes a formación politica “que desapareixcan as entidatz locals menors ye qualcosa que no cal dende l’anvista economica y antimás ye una accion sin precedents”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.