O PAR proposa d’adequar a N-330 ta Chaca ta emplego preferent de ciclistas

Esfienden a posibilidat d'enamplar o turismo esportivo en a redolada.

Salida d'a Cluixiuesos de 2010 (Foto: Sabionline)

Salida d’a Cluixiuesos de 2010 (Foto: Sabionline)

A colla municipal d’o PAR (Partiu Aragonés) en o concello de Samianigo presentará en o venient pleno d’a corporación una propuesta ta que o Concello inste a lo Ministerio de Fomento a que prenga “as midas que calga, más que más de sinyalización”, t’adequar como vía con preferencia t’os ciclistas a carretera N-330, actual vía de servicio de la A-23 entre Chaca y Samianigo.

A iniciativa responde, seguntes o PAR, a la “convicción de que se puet contribuyir a amillorar a seguridat d’a practica d’o ciclismo de man d’os nuestros vecins y visitants, con fins de calidat de vida y desembolique turistico.” Valuran que “construyir o trampo de l’actual autovía A-23 entre Samianigo y Chaca ha propiciau un mayor emplego encara, de man d’os ciclistas, de l’antigo trazau d’a N-330 u vía de servicio entre as dos ciudatz t’a practica esportiva”.

Seguntes o PAR “o transito compartiu por ista carretera entre aficionaus a l’esporte y adugadors de vehiclos a motor ye una realidat que cal actuar-ne, con l’obchetivo de fer más facil l’ocio sano que suposa l’esporte, igual como a potencial implantación progresiva de una ruta cicloturista, prevenindo incidents u accidents y sin afectar de garra traza ni a l’entorno natural ni a la debandita circulación d’os vehiclos a motor que la continan fendo servir, sino favoreixendo l’actividat por parti de totz”.

D’atra man, o PAR sinyala as posibilidatz d’o ciclismo “ta prochección de Samianigo y l’Alto Galligo como destino turistico esportivo” debant d’a imachen y o renombre d’as nuestras rutas en estar ideyals ta planteyar desafíos y destinos atrayents t’os turistas, y asinas mesmo iniciativas como a encetada por a Comarca de l’Alto Galligo con l’espacio Btt-Pirineos”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.