O Parlamento Europeu insta a os estaus europeus a amostrar as luengas minorizadas dende preescolar

L'informe ha estau aprebau por unanimidat, metendo en valor a las luengas europeas minorizadas y en periglo de desapareixer

Comisión PE

Foto: Matthias Friehe

A Comisión de Cultura d’o Parlamento Europeu ha aprebau por unanimidat un informe por o que s’insta a os estaus miembros a promover politicas que posibiliten l’aprendizache d’as luengas minorizadas en periglo de desapareixer, dende edatz tempranas, ya en a educación preescolar, como luenga materna. Iste informe estió presentau por o diputau corso François Alfonsini d’o Grupo Verdes/ALE.

En l’informe aprebau s’afrima que “todas as luengas europeas son iguals en valor y dignidat” y clama a “salvagardar o patrimonio cultural y lingüístico d’a UE”. Asinas, s’insta a la Comisión Europea y a os estaus miembros a adoptar politicas ta refirmar a las luengas en periglo y a diversidat lingüistca, fendo servir recursos financieros t’o periodo 2014-2020.

En setiembre iste informe será presentau en o pleno d’a Eurocamara ta demandar a la Comisión Europea midas lechislativas en defensa d’as luengas minorizadas y en periglo de desapareixer.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.