O Parlamento francés apreba o primer paquet de reformas d’Hollande

Se calculan ingresos extra por valor de 7.200 millons d'euros

François Hollande (Foto: Parti Socialiste)

François Hollande (Foto: Parti Socialiste)

O primer gran paquet de reformas d’o gubierno de François Hollande (PS) estió aprebau iste martes por o Parlamento francés. Nomás con una contribución especial de l’impuesto sobre o patrimonio se planeya recaptar, d’aqui a fin d’anyada, 2.300 millons d’euros. En total, se calculan ingresos extra por 7.200 millons d’euros.Con iste presupuesto suplementario, Hollande mira de conseguir os suyos obchetivos ta cabidar. O primer president socialista dende 1995 prometió mientres a suya campanya qye Francia podrá cumplir de nuevas, ta 2013, con a reglamentación sobre presupuestos d’a UE, que diz que o deficit no puet estar por d’alto d’o 3% d’o producto interior bruto d’o país. L’anyada pasada, estió d’o 5,2%.

Con iste paquet de reformas, o gubierno de centro cucha de Francia s’aluenya d’as politicas de l’anterior president, o conservador Nicolas Sarkozy. Antimás d’as puyadas impositivas, a nueva mayoría de cuchas descarta prochectos de Sarkozy, como as excepcions tributarias a las horas extras y puyar l’impuesto sobre o patrimonio. Tamién se reafirmó l’impuesto a las transaccions financieras decidiu baixo lo mandato de Sarkozy que dentra en vigor o miercols.

O partiu conservador UMP criticó as reformas, que consideró malas t’a economía, y dició que Francia perderá competitividat debant de países como Alemanya. O UMP desiche cabidar más. D’os quasi 10.000 millons d’euros que faltan t’o presupuesto, tasament 1.500 millons d’euros vendrán de retalladas en os gastos.

En aprebar-se o paquet de reformas, o gubierno francés y o Parlamento (l’Asambleya Nacional y o Senau) dentran en o descando de vacanzas. A primer reunión d’o gabinete dimpués de vacanzas será  o 22 d’agosto.

Fuent: http://noticies.sirius.cat/2012/08/el-parlament-frances-aprova-el-primer.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.