O parlamento sueco, o primero en reconoixer o Sahara Occidental como un estau

Insta a o gubierno d'Estocolmo a fer-lo tamién antes con antes millor

O parlamento sueco ye o primer d’Europa que reconoixe oficialment o estau sahariano. En una sesión especial, ha aprebau una resolución en que insta a o gubierno d’Estocolmo a reconoixer, antes con antes millor, a Republica Arabe Sahariana Democratica (RASD) como estau. A decisión, la ha preso a camara por mayoría, dimpués de debatir-lo y d’estar aprebada por a comisión d’Afers Extranchers.

Se tracta d’una resolución historica. Nunca antes garra parlamento europeu no heba feito garra petición pareixida a o suyo gubierno t’a reconoixencia d’o Sahara, y puede estar o precedent de mas camaras europeas.

O ministerio d’Afers Extranchers d’a RASD interpreta que con ista decisión a comunidat internacional ‘ya no admite a dureza d’a ocupación marroquí’ y ‘condena a politica de feitos consumaus y a posesión de territorios allenos por a fuerza militar y l’agresión’. Igualment, por a RASD, o parlamento sueco ‘considera que l’exercicio d’o dreito d’autodeterminación d’o pueblo sahariano, a libertat y a independencia por meyo d’un referendum chusto y transparent, contina estando a unica traza de trobar una solución pacifica, democratica, chusta y definitiva en o conflicto d’o Sahara Occidental’.

Fuent: http://www.vilaweb.cat/noticia/4062611/20121207/parlament-suec-primer-reconeixer-sahara-occidental.html

Una rispuesta a O parlamento sueco, o primero en reconoixer o Sahara Occidental como un estau

  1. Aragón con el pueblo Saharaui!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.