O Parque de l’Augua de Zaragoza presenta o programa d’actividatz ludicas, esportivas y culturals

La campaña dispone de más de mil plazas y se desarrollará durante seis fines de semana a partir del 13 de abril

Parque de l'augua (Foto: Jose Antonio Cabetas Aliaga)

Parque de l’augua (Foto: Jose Antonio Cabetas Aliaga)

O Parque de l’Augua “Luis Buñuel” plega de presentar o programa d’actividatz t’os socios d’o suyo Club de Amigos, con una ufierta total de 43 cursos (un 2% más que no en 2012) y 1078 plazas disponibles. A ufierta ye ubierta ta totz os miembros d’o Club (más de 7800 agora mesmo) y no s’exiche garra atro requisito que fer-ie parti y preinscribir-se en a web d’0 Parque en os cursos a on que se deseye participar. A inscripción y participación ye de tot de baldes.

Os primers cursos prencipiarán o sabado 13 d’abril y se desembolicarán mientres seis cabos de semana esferents. Ye una ufierta prou demandada por os usuarios d’o Parque como contrimuestra o porcentache de participación en os mesmos l’anyada pasada, que puyó d’o 90%.

As actividatz que se i ufren van dende as de conteniu esportivo y ludico, dica las meyoambientals, parando por as que nomás son recreativas y d’entretenimiento u as culturals y artisticas.

Os intresaus en rechistrar-se como socios d’o Club d’Amigos d’o Parque de l’Augua pueden fer-lo a traviés d’internet. A inscripción ye de baldes y, antimás de poder participar en os cursos programaus cada primavera y estiu, ufre botifueras en as concesions vincladas a lo Parque de l’Augua. Antimás os miembros d’o club reciben información sobre eventos esportivos y cultural que se fan en ixe espacio, se organizan visitas de baldes y se les entrega a guida oficial d’o Parque de l’Augua.

Fuent: http://www.cronicadearagon.es/wordpress/?p=39311

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.