O Parque Jose Antonio Labordeta aculle a Trobada de bicis antigas y clasicas

Por tercer anyada seguida o Parque Jose Antonio Labordeta de Zaragoza será, o sabado dende as 10:30, o puesto a on se celebrará a Trobada de bicicletas antigas y clasicas. Ista trobada ye organizada por una colla de aficionaus y coleccionistas.

cartelUna anyada más ista trobadá reunirá bicicletas de diferents epoca procedents de diferents puntos d’a cheografía de l’estau espanyol. L’anyada pasada i estioron más de 40 personas que se gronxioron con una agradable gambadeta por as carreras d’ista ciudat.

Os asistents t’a trobada ferán con as maquinas suyas una cursa por Zaragoza dica a Basilica d’o Pilar y aprofitando os carrils bici que bi ha. Se i podrá participar con bicicletas antigas -as que tienen más de 50 anyadas- u con clasicas, de más de 25, pero tamién se podrán achutnar a la colla de ciclistas atras menas de biciletas d’estilo clasico, de pinyón fixo u ‘fixies’, ‘chopperbikes’, ‘lowriders’ u bicicletas urbanas. Antimás os organizadors recomiendan a los participants d’ir vistius con ropa d’antismas.

A primer edición d’ista trobada celebrada en Zaragoza estió pionera en l’estau espanyol, fendo-se servir dimpués como referencia ta celebrar eventos parellanos en atras redoladas, encara que en estaus como Portugal, Francia u Anglaterra istas trobadas cuentan con una tradición de cualques anyadas.

A diferencia d’atros eventos parellanos en atras localidatz, o de Zaragoza, dende a suya primer edición ye o unico que se fa sin patrocinadors y sin conduta d’inscripción ya que se considera que ye a trobada d’unos aficionaus ta fer una gambada por a ciudat, sin más pretensions. A tamás de no contar con fundos economicos y estar organizau de traza volunratia, en atras ocasions ha contrimostrau estar a trobada con más participación a ran estatal.

Fuent: http://arainfo.org/2012/04/por-tercer-ano-consecutivo-el-parque-jose-antonio-labordeta-de-zaragoza-sera-el-punto-de-cita-para-el-encuentro-de-bicicletas-antiguas-y-clasicas/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.