O parque Miguel Servet de Uesca cambeará de cara dende abril

As milloras se son realizando gracias a os programas d'emplego de l'INAEM

parque miguel servetOs uescanos y uescanas disfrutarán dende o venient mes d’abril d’a renovada imachen que presentará o parque Miguel Servet, que o suyo aspecto será muit amanau a presentar grans cambeos gracias a o treballo que se troban realizando actualment as brigadas municipals d’o Concello de Uesca y os alumnos d’o taller d’emplego de l’Instituto Aragonés d’Emplego (INAEM). Amás d’ista zona verda, que ye a mas gran d’a ciudat, tamién s’acometerán obras de millora en atras d’o vico d’o Perpetuo Socorro.

En o que concierne exclusivament a o parque Miguel Servet, os equipos de treballo son concentrando gran parte d’os suyos esfuerzos en cambiar y replantar os setos u a hierba y treballarán tamién ta amillorar l’aspecto d’as pergolas que n’i hai en o quisco d’a mosica. Amás, se tornarán a plantar as roseras que han estau furtadas u se restaurará l’estanque.

“Dimpués de rematar os quefers en o parque Miguel Servet se desplazarán t’o vico d’o Perpetuo Socorro ta continar treballando en zonas verdas, con chicotas obras de conservación y mantenimiento”, ha sinyalau Ana Alós, alcaldesa de Uesca, que ha amostrau a suya satisfacción por poder contar con programas d’emplego como este.

En iste mesmo scenario, o parque Miguel Servet, s’aspera contar en os venients meses con un parque-tabierna, que a suya licitación se ye executando y, por iste motivo, habría de veyer a luz en os venients meses ta completar toda a ufierta d’ocio en a zona verda mas important d’a capital altoaragonesa.

Fuent: http://www.aragon2.net/n-20647-2-parque_Miguel_Servet_Huesca_cambia_cara_desde_abril

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.