O SNP debate sobre o camín ta la independencia escocesa

2000 delegaus cilebran o congreso d'o SNP ta trazar a estratechia enta la independencia escocesa

O primer ministro escoces, Alex Salmond

O primer ministro escoces, Alex Salmond

77a Conferencia Nacional anual d’o Partiu Nacional Escocés, SNP, prencipia en Inverness con l’obchectivo de trazar a estratechia enta la independencia en o final de l’actual lechislatura, en mayo d’o 2015.

Dos mil delegaus plegaus dende tot o país fan que iste siga o congreso politic más numeroso que no s’ha feito nunca en Escocia. O ritmo ta plegar ta la independencia, y no plegar-ne que ye platero, ye o debate más intenso d’a politica escocesa. Fa no guaire o primer ministro Salmond deixaba dezaga o referendum que teneba previsto ta 2013, atamás d’o creixent refirme ta l’independentismo escocés. Salmond, que tien un compromiso electoral, ha rezagau o referendum ta o fin d’a lechislatura, cosa que s’ha de discutir en iste congreso que prencipia.

Por primera vegada, son más os ingleses que refirman a independencia escocesa que no los que no la refirman

Como feito historico, un sondeyo feito por The Independent ista semana diz que o 39% d’os habitadors d’a Gran Bretanya, sin Escocia, donaban refirme a la independencia escocesa, mientres que un 38% en yera contrario. En Escocia o porcentache ye d’o 49% a favor d’a independencia y un 37% en contra. Fa cinco meses a mesma encuesta feba risultaus d’un 33% de britanicos a favor d’a independencia y d’un 38% d’os escoceses.

Fuent: http://www.vilaweb.cat/noticia/3940418/20111020/partit-nacionalista-escoces-comenca-congres-definir-cami-independencia.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.