O perfil d’Humberto Vadillo que bi ha en twitter ye falso

Vadillo heba dixau o rete de microblogging dimpués d'as suyas frases contra las aduyas a la cultura y as luengas d'Aragón

Humberto Vadillo

Humberto Vadillo

O perfil que fa bells diyas amaneixio en twitter como hvadillo, y que feba veyer que yera o director cheneral de cultura no perteneixe a Humberto Vadillo, seguntes han confirmau dende a Conselleria de Cultura d’o Gubierno.

Dende Arredol, faciemos a error de dar por bueno un perfil que parixeba real, que heba penchau fotos d’actos an que heba estau o Director cheneral y que se rilacionaba con buena ripa de tuiteros amanaus a o Partido Popular. Dimpués d’un tuit desafortunau prencipiemos a sospitar que o perfil yera falso, como asinas ha confirmau a conselleria, que estudea agora que trangos dar contra la suplantación d’a personalidat d’o director cheneral.

Dende Arredol, hemos de demandar desincusas a o propio Vadillo, a la conselleria, y a os nuestros lectors, por no haber feito as comprebacions que s’amenistaban sobre iste particular.

Vadillo, que heba tuiteau que “l’aragonés ye como o klingon” o que cada diya heba més fatos en Aragón por a creyacion d’o Diploma de Filolochía aragonesa, tranco a suya cuenta de twitter quan prencipio a recibir creticas por ixes comentarios en ser nombrau Director Cheneral de Cultura. As suyas parolas fación que se creyase una colla de Facebook ta demandar a suya dimisión y a publicación d’un manifiesto en un meyo de comunicación contra ell.

7 Rispuestas a O perfil d’Humberto Vadillo que bi ha en twitter ye falso

  1. A veyer quan mos bosa ixa chenta en o Cachirulo, no?

  2. @hvadillo Humberto Vadillo:
    “@arredol no entiendo este periodico o lo que sea. Yo hablo español”

  3. No creigo que haigatz de demandar guaires desincusas. Existe una cuenta de twitter que se clama hvadillo, an que i amaneix a foto d’iste sinyor y an que i amanixen fotos d’actos an que ell participa. En tot caso, habrá d’estar ell qui encete accions legals contra qui haiga creyau ixa cuenta de twitter. Vusaltr@s nomás hetz feito que charrar d’un feito reyal: a existencia d’ixa cuenta de twitter.

    Salut!

    PS: A yo tamién m’agradaría que me convidase a chentar en El Cachirulo!

  4. Antiparti d´ixo Vadillo encara no ha demandau excusas por as suyas opinions en a suya cuenta reyal que tranco o en articlos d´opinion. Veyendo-los yera prou creyible, l´unico rarizo yera que ubrise a cuenta ascape.

  5. Pingback: Diez diyas d’Arredol (y vida estresant) | Purnas en o zierzo

  6. A cuenta de twitter ‘hvadillo’ ya ha desapareixida.

Responder a Fmoline Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.