- Politica
- Opinión
- Economía
- Mundo
- Sci/Tec
- Meyo Ambient
- Cultura
- Esporte
- Sociedat
- Redoladas
- A Llitera
- Alto Galligo
- Andorra-Sierra d’Arcos
- Aranda
- Baix Aragó-Caspe
- Baixo Aragon
- Baixo Martin
- Campo de Belchite
- Campo de Borxa
- Campo de Carinyena
- Campo de Daroca
- Chacetania
- Cinca Baixa
- Cinca meya
- Cinco Villas
- Comunidat de Calatayud
- Comunidat de Teruel
- Cuencas meneras
- Gudar-Chabalambre
- Matarranya
- Mayestrato
- Monegros
- Plana de Uesca
- Ribagorza
- Ribera Alta de l’Ebro
- Ribera Baixa de l’Ebro
- Semontano de Balbastro
- Sierra d’Albarracin
- Sobrarbe
- Tarazona y lo Moncayo
- Val de Xalon
- Xiloca
- Zaragoza
- Especials
O perfil d’Humberto Vadillo que bi ha en twitter ye falso
Vadillo heba dixau o rete de microblogging dimpués d'as suyas frases contra las aduyas a la cultura y as luengas d'Aragón
Humberto Vadillo
O perfil que fa bells diyas amaneixio en twitter como hvadillo, y que feba veyer que yera o director cheneral de cultura no perteneixe a Humberto Vadillo, seguntes han confirmau dende a Conselleria de Cultura d’o Gubierno.
Dende Arredol, faciemos a error de dar por bueno un perfil que parixeba real, que heba penchau fotos d’actos an que heba estau o Director cheneral y que se rilacionaba con buena ripa de tuiteros amanaus a o Partido Popular. Dimpués d’un tuit desafortunau prencipiemos a sospitar que o perfil yera falso, como asinas ha confirmau a conselleria, que estudea agora que trangos dar contra la suplantación d’a personalidat d’o director cheneral.
Dende Arredol, hemos de demandar desincusas a o propio Vadillo, a la conselleria, y a os nuestros lectors, por no haber feito as comprebacions que s’amenistaban sobre iste particular.
Vadillo, que heba tuiteau que “l’aragonés ye como o klingon” o que cada diya heba més fatos en Aragón por a creyacion d’o Diploma de Filolochía aragonesa, tranco a suya cuenta de twitter quan prencipio a recibir creticas por ixes comentarios en ser nombrau Director Cheneral de Cultura. As suyas parolas fación que se creyase una colla de Facebook ta demandar a suya dimisión y a publicación d’un manifiesto en un meyo de comunicación contra ell.
7 Rispuestas a O perfil d’Humberto Vadillo que bi ha en twitter ye falso
Responder a Chuanrralla Cancelar respuesta
Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.
A veyer quan mos bosa ixa chenta en o Cachirulo, no?
@hvadillo Humberto Vadillo:
“@arredol no entiendo este periodico o lo que sea. Yo hablo español”
Si no te cuaca ta que lo leyes ababol?
No creigo que haigatz de demandar guaires desincusas. Existe una cuenta de twitter que se clama hvadillo, an que i amaneix a foto d’iste sinyor y an que i amanixen fotos d’actos an que ell participa. En tot caso, habrá d’estar ell qui encete accions legals contra qui haiga creyau ixa cuenta de twitter. Vusaltr@s nomás hetz feito que charrar d’un feito reyal: a existencia d’ixa cuenta de twitter.
Salut!
PS: A yo tamién m’agradaría que me convidase a chentar en El Cachirulo!
Antiparti d´ixo Vadillo encara no ha demandau excusas por as suyas opinions en a suya cuenta reyal que tranco o en articlos d´opinion. Veyendo-los yera prou creyible, l´unico rarizo yera que ubrise a cuenta ascape.
Pingback: Diez diyas d’Arredol (y vida estresant) | Purnas en o zierzo
A cuenta de twitter ‘hvadillo’ ya ha desapareixida.