O PKK demanda a liberación d’Abdullah Öcalan ta una paz real

O PKK kurdo ha anunciau un alto o fuego en respuesta a la demanda d'o suyo lider engarcholau en Turquía Abdullah Öcalan

PKKA libertat d’o fundador d’o Partiu d’os Treballadors d’o Kurdistán (PKK), Abdullah Öcalan, ye “a condición previa ta a una paz real permanent“, ha dito o lider d’a guerrilla, Murat Karayilan. Karayilan anunció un alto o fuego con Turquía en refirme a la demanda de que o PKK deixase as armas lanzada o pasau chueves por Öcalan, engarcholau dende 1999.

En a entrevista dende o cubillar d’a guerrilla en as montanyas Kandil, Karayilan ha insistiu que s’han de dar bellas guarancias t’a retirada d’os guerrillers d’o PKK de tierra turca como una supervisión parlamentaria d’iste proceso.

Karayilan ha remerau que o PKK ha declarau en ueito ocasions anteriors un alto o fuego y que en 1999 se retiró de Turquía, y todas istas experiencias resultoron amargas, ha explicau, ya que a guerrilla estió atacada por l’exercito.

Tamién ha asegurau que i hai unanimidat entre os liders d’o PKK ta seguir o clamamiento d’Öcalan, pero ha subrayau que os guerrillers responderán si son atacaus: «A guerrilla d’o Kurdistán libre no ferá garra acción militar. Todas as actividatz militars dentro d’as mugas de Turquía serán en o marco de l’alto o fuego. Pero si as nuestras fuerzas son atacadas, os nuestros guerrillers s’esfenderán», ha dito.

Ha explicau que encara que os liders d’o PKK son a favor d’a tregua, numerosos mandos meyos d’a guerrilla son scepticos sobre os esquimens de deixar as armas: «Charré ahiere (viernes) con 250 personas (mandos meyos). Les dicié que yera un proceso convincent. En ista reunión muitos amigos expresoron as suyas dubdas. Ye una qüestión dificil», ha sosteniu Karayilan.

Fuent: http://noticies.sirius.cat/2013/03/el-pkk-demana-lalliberament-dabdullah.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.