O Plan de Choque Cirurchico preveye 1.800 intervencions quirurchicas en horario de tarde pa reducir a lista d’aspera

L'actuación cuenta con un presupuesto de 2,6 millons provenients d'o Plan Impulso, que permitirán l'achuste de 70 profesionals sanitarios

Foto: Gubierno d'Aragón

Foto: Gubierno d’Aragón

A directora cherent d’o Servicio Aragonés de Salut (SALUT), María Ángeles Alcutén, y a directora d’Atención Especializada, Ana Castillo, han presentau o Plan de Choque Cirurchico, que ha prencipiau ista semana. O Departamento de Sanidat, Bienestar Social y Familia destina a iste Plan un presupuesto de 2,6 millons d’euros provenients d’o Plan Impulso. Con o Plan de Choque Cirurchico se van a realizar 1.800 procedimientos adicionals dica fin d’anyo, o que conlleva uns 70 nuevos contractos. Concretament, ye previsto l’achuste d’entre 20 y 30 facultativos, 26 enfermers y 13 auxiliars.

O Plan de Choque Cirurchico permite a realización de mas sesions cirurchicas en chornada de tarde por medio de l’achuste de profesionals especificament pa ista fin. S’ha procediu a achustar a personal facultativo, d’enfermería, auxiliar y celadors, pa meter en funcionamiento istes quirofanos, dotar adequadament as camas d’hespitalización que s’amenistan y reforzar atros servicios que calga por l’incremento d’actividat.

A mayoría d’as intervencions se realizarán en o Hespital Universitaire Miguel Servet, gracias a la disponibilidat d’a suya infrastructura y, a causa que, por a dificultat pa l’achuste de profesionals en bella especialidat pa un plazo de tres meses, ye recomendable de fer-lo de forma centralizada.

Gradualment, en iste hespital se son metendo en funcionamiento quirofanos en horario de tardes. O luns prencipió o Plan de Choque Cirurchico con o funcionamiento de dos quirofanos d’oftalmolochía y un de neurociruchía, cada día.

Amás, y en relación a la otorrinolaringolochía infantil, prencipió o martes, 24 de setiembre, a obridura de 2 quirofanos a la semana, aumentando-se dende o 15 d’octubre con 3 quirofanos semanals d’otorrinolaringolochía cheneral.

Igualment, dende l’1 d’octubre ye previsto d’adhibir a iste computo o funcionamiento diario d’os siguients quirofanos en horario de tarde: 1 de cirurchía cheneral, 1 d’anchiolochía y cirurchía vascular, 1 de cirurchía plastica y 1 d’urolochía.

A Cherencia d’o Sector Zaragoza II chunto a la Dirección de dito centro, continan treballando pa poder estendillar iste plan a atras especialidatz.

Igualment se tien previsto de reforzar os servicios d’oftalmolochía y cirurchía cheneral d’o Hespital Clinico Universitaire Lozano Blesa pa poder fer servir quantos quirofanos en chornada de tarde a la semana, dende a segunda quincena d’octubre.

En o mesmo sentiu, dende octubre o Hespital Royo Villanova tien previsto de reforzar os efectivos de traumatolochía y anestesia, o que permitirá d’aumentar l’actividat cirurchica en dito hespital y a obridura de, a lo menos, tres quirofanos a la semana en o Hespital A Nuestra Sinyora de Gracia.

Respective a o personal d’enfermería, se va a achustar 2 profesionals y 1 auxiliar d’enfermería pa cubrir cada sesión cirurchica diaria. Isto suposará aproximadament l’achuste de 26 profesionals d’enfermería y 13 auxiliars. Amás, se ye achustando personal d’istas categorías pa refirmar as consultas pre y postoperatorio extraordinarias que se van a chenerar, y se reforzará a parte d’hespitalización seguntes as necesidatz que vaigan surtindo.

Respective a o personal no sanitario, se reforzará o personal administrativo y os celadors en función de l’actividat que se vaiga chenerando.

Fuent: http://www.cronicadearagon.es/wordpress/?p=44357

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.