O planetario de Uesca podría ubrir ent’a fin d’o mes

Naix ta mirar de fer conoixer l'astronomía y empentar as vocacions investigaderas.

Representants d'o Centro Astronomico Aragonés (Foto: D.Ch.A.)

Representants d’o Centro Astronomico Aragonés (Foto: D.Ch.A.)

O Patronato d’a Fundación Centro Astronomico Aragones ha decidiu d’ubrir o Planetario que bi ha en Walqa, en prebas ent’a fin d’iste mes u primers d’o venient, malas que se apanyen os zaguers tramites.

As calendatas se decidioron en una reunión d’o Patronato presidida por Arturo Aliaga, conseller de Industria y Innovación, a on que s’aprebó a plantilla d’as instalacions que tendrá dos monitors, un treballador de mantenimiento y a directora Raquel Ollés. Tamién se i aprebó o Plan d’Actuación dica la fin d’anyada, contando con un presupuesto de 120.000 euros anyals y asperando entre 15.000 y 18.000 visitas ta poder fer-lo sostenible.

O Centro Astronomico Aragonés naix con l’obchetivo de espardir o conoiximiento d’a sciencia y l’astronomía y mira d’estar un centro de referencia formativo ufrindo una alternativa a l’ocio de chovens y familia os cabos de semana.

L’edificio, que tien elementos tecnolochicos que aprofeitan tot lo posible fuents d’enerchía renovables como a solar y a cheotermica, conta con un planetario, un simulador 4D, dos aulas-tallers, observatorio astronomico, botiga, sala d’exposicion y a siede de l’Agrupación Astronomica de Uesca y d’o Rete d’Agrupacions d’Aragón. En l’observatorio bi son os dos telescopios especializaus en observación solar y ciel profundo.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.