O pleno de Zaragoza se vive en Twitter

Os 15 concellers con cuenta aproveitan o pleno ta continar as discusions entre ells, enriquindo o debate con os ciudadans

D’os 31 concellers de Zaragoza, 15 emplegan o rete Twitter como aina d’espardir as suyas ideyas politicas. Prou que bi’n ha de más activos, como os casos de Pedro Navarro, Jorge Azcón, Juan Martín, José Ignacio Senao u Roberto Fernández, y mientres que se fan os plens d’a ciudat, gosan fer servir os tuitz ta continar o debate. En o pleno de hue, con varias polemicas en circulación, como os vecins de Rosales d’o Canal u o crucifixo, os tuitz han circulau tamién a buena velocidat entre os concellers. En especial, o cruce de acusacions entre os concellers d’o PP y Juan Martín de CHA, u o discurso de José Ignacio Senao contra IU y en esfensa d’as fuerzas de seguridat.


Pero tamién José Ignacio Senao (PP) ha estau prou activo hue, en especial contra IU.

Os plens d’o Concello de Zaragoza son d’entrada libre, y cualsiquier ciudadano puede dentrar-ie y mesmo participar-ie en bells intes. Ubrir en Twitter ista participación encara facilita más a fayena d’os politicos ta pulsar o termometro d’a carrera y tamién ta que os ciudadans veigan as manias presonals d’os politicos y contra qui y como endrezan as suyas armas dialecticas. Os plens vivos y ubiertos en Twitter como canal de comunicación fan isto posible. O pleno de hue, marcau por una fuerte tensión, y en un concello en que l’alcalde en ye por un voto, dan buena mida de como se fa la politica d’as institucions.

Lista twitter d’os concellers de Zaragoza

Una rispuesta a O pleno de Zaragoza se vive en Twitter

  1. Indubdablement ye bueno que os politicos tiengan ixe contacto con os ciudadanos, y que os ciudadanos tiengamos a información de primera mano. Manimenos, m’imachino una situación surrealista con una persona en l’uso d’a parola, y denguno le fese caso porque toda a resta de concellers son “comentando a chugada” en twitter.

    Estoi que entre que duran os plenos, tot o que s’haiga de decir, s’ha de decir en l’uso d’a parola y no fer un debat “a escuchetas” vía twitter. Y cómo nos n’enteramos os ciudadans, d’o que se i diz? (pus retransmitindo a sesión por internet, y penchando os videos, ta que totz nos n’enteremos de primera man, y no por meyo de comentarios partidistas d’alcagüetz de café-twitter que fan un debat paralelo). Ixo sí, en que remate o pleno, totz a twitter a comentar a chugada, y a explicar a os ciudadans por qué han feito o que han feito… ixo me pareix perfecto!

Responder a JP Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.