O pleno d’Utevo apreba por unanimidat a proposa sobre a regulación d’os horarios comercials

O Concello d'Utevo apreba unanimement una moción a favor d'o chicot comercio y sobre os horarios comercials respective a la declaración d'a Zaragoza Romana como zona turistica en Zaragoza

Utevo. Foto: Biquipedia

Todas as fuerzas politicas d’o Concello d’Utevo votoron iste pasau chueves a favor d’una moción d’a colla municipal d’IU sobre os horarios comercials, de refirme a o chicot comercio y a declaración d’a “Zaragoza Romana” como Zona de Gran Afluyencia Turistica.

A portavoz de Izquierda Unida y primera tenient d’Alcalde, Rosa Magallón, apostó por presionar a la DGA ta “fixar en 90 horas l’horario global en o que os estableiximientos comercials podrán desembolicar a suya actividat mientres o conchunto de días laborables d’a semana y en diez os domingos y festivos“.

Ta IU “yera alazetal que sía tenida como tal solament a zona denominada como Zaragoza Romana y que queda amugada por as carreras Avenida Cesar Augusto, Coso y Paseu Echegaray y Caballero, ya que debant d’una liberalización d’horarios comercials en toda a ciudat de Zaragoza, si no se declara una zona especifica, y dada a cercanía d’o nuestro municipio, no solament se veyería afectau o nuestro chicot comercio, soque tamién as grans y medianas superficies comercials existents“.

Asinas mesmo, Magallón insistió en a “calidat d’emplego” que ofreixe o chicot comercio frent a las grans superficies: “Debant d’una caíta de vendas en o chicot comercio d’o 21,1% l’emplego ha caíto un 4% mientres que en grans superficies, debant d’a mesma caíta de vendas, l’emplego l’ha feito en un 15,3%”. “Istos datos –contina- amuestran o papel que chuga o chicot comercio en o mantenimiento de l’emplego en o momento de crisi que vivimos”.

Por iste motivo, en a moción de IU se subrayaba a necesidat de tresladar a o Gubierno d’Aragón a importancia de “reactivar todas as inversions y midas necesarias ta esfender iste sector por a suya trascendencia social, economica y laboral en Aragón“.

Fuent: http://arainfo.org/2012/12/el-pleno-de-utebo-aprueba-por-unanimidad-la-propuesta-sobre-la-regulacion-de-los-horarios-comerciales/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.