O PNV ganaría en Euskadi y o PP en Galicia, seguntes o CIS

EH Bildu quedaría segunda fuerza y Alternativa Galega de Esquerda, de Manuel Beiras, aconseguiria o primer representant

O Centro d’Investigacions Sociolochicas (CIS) ha abanzau os resultaus d’a zaguera enqüesta sobre intención de voto en Euskadi y Galicia, que indican que o PP gallego aconseguiría revalidar a mayoría absoluta, con 38 cadieras, y que o PNV ganaría en Euskadi.

A enqüesta indica que o PP gallego y o BNG mantendrían as suyas cadieras y IU-EU, con o nombre d’Alternativa Galega de Esquerda, aconseguiría un deputau a o Parlamento de Galicia. Por contra, o PSdG-PSOE baixaría, obtenendo entre 23 y 24 cadieras. Seguntes a enqüesta preelectoral d’o CIS, Alternativa Galega de Esquerda aconseguiría o suyo deputau en A Corunya.

En Euskadi, o PNV ganaría, pero baixando de 30 cadieras a 27. EH Bildu n’aconseguiría entre 21 y 22, situando-se como segunda fuerza politica. O PSE-EE y o PP baixarían uns quatro y once representants, respectivament, y se’n quedarían con 14 o PSE, y entre 9 y 10 o PP. Finalment, UPyD podría perder o suyo deputau.

Euskadi y Galicia han dentrau a meyanueit en campanya electoral, y as eleccions parlamentarias serán o diya 21 d’octubre, en totz dos casos convocadas anticipadament. As d’Euskadi serán as primeras sin ETA, que o diya 20 d’octubre ferá un anyo que anunció que deixaba definitivament l’actividat armada. L’atra gran particularidat d’os comicios vascos ye a presencia d’a cucha abertzale, que i concurre baixo a coalición EH Bildu (con Eusko Alkartasuna, Aralar y Alternatiba). En Galicia, o PP d’Alberto Núñez Feijóo fa cuentas de revalidar a mayoría.

Fuent: http://www.vilaweb.cat/noticia/4045271/20121005/pnb-guanyaria-euskadi-pp-galicia-cis.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.