O PP aconseguiria una mayoria historica seguntes as encuestas

Rajoy tranca a convención popular de Malaga con ulor a victoria

Rajoy a la suya plegada a la convención popular en Malaga

Rajoy a la suya plegada a la convención popular en Malaga

As encuestas de varios meyos de comunicación dan por segura una victoria prou graniza d’o PP en as eleccions espanyolas d’o 20-N ta gubernar con una mayoria absoluta historica.publiquen , i .

Seguntes o diario catalán La Vanguardia o PP aconseguiria dentre 186 y 192 escanyos en o Congreso espanyol, muit por dencima d’os 176 que sinyalan a mayoria absoluta. O PSOE retacularia d’os 169 enta os 115-122 escanyos. IU pasaria de 2 ta 4, os mesmos que UPyD y Amaiur, a coalición formada por os partius de Bildu y Aralar. A encuesta d’a Vangurdia, ixo sí, ye una estimación que no rispeta o sistema circunscripcional.

En o diario espanyol El Mundo os risultaus d’o PP son encara millors. O PP tendría 193 diputaus, debant d’os 154 actuals. O PSOE quedaría con 122.

En La Razón o PP presenta unas expectativas dentre 183-185 diputaus, mientres que o PSOE quedaría con dentre 116 y 118. Ista encuesta ye por circunscripcions y anuncia victoria d’o PP en 15 d’as 17 comunidatz autonomas, incluyindo Andalucía, Euskadi y Aragón. En Aragón o PP quitaría 8 d’os 13 diputaus en coalición con o PAR. O PSOE baixaria de 8 dica 4, mientres que o zaguer diputau estaria ta la coalición CHA-IU.

En ista ulor de victoria, Mariano Rajoy trancaba iste cabo semana a convención d’o PP de Malaga, fendo una crida a “un gran esfuerzo” de totz ta salir d’a crisis. Tamién apelaba a un “espiritu de dialogo” ta ser o president de “totz os espanyols, y no nomás d’os votants d’o PP”. En iste espiritu ha quiesto resaltar o pacto con partius rechionalistas como UPN y o PAR.

Una rispuesta a O PP aconseguiria una mayoria historica seguntes as encuestas

  1. tsunami pepero

    holio, qué miedo que fa hue leyer a prensa… ya sé que no pareix una endromina electoral (en venindo de os papels de dreitas), pero aspero que dezaga d’istas amplas mayorías absolutas que predicen as enqüestas bi haiga una voluntat de fer que o electorau más critico con o PP se movilice, porque si no, con quasi 200 deputaus, a veyer quí ye o guapo que se fote de vada en as carreras cuentra las retalladas que a chent, masivament, habrán votau (y no digamos que sin saber-lo, q encara que no lo digan clarament, totz sabemos de qué coda pisa o PP)

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.