O PP anuncia accions chudicials contra Bárcenas y «contra totz»

O vicesecretario d'o PP Carlos Floriano anuncia midas legals, penals u civils, contra "totz qui han atribuyiu a o PP u os organos suyos de dirección conductas irregulars, a qui lo han filtrau u a qui lo haiga publicau"

Carlos Floriano (Foto: eldiario.es)

Carlos Floriano (Foto: eldiario.es)

O Partiu Popular ha decidiu concarar-se chudicialment contra Luis Bárcenas por a filtración d’a supuesta contabilidat B d’o Partiu de Rajoy. Asinas lo sinyalan fuents d’a dirección d’o PP consultadas por eldiario.es dimpués de l’anuncio feito por Carlos Floriano de «accions legals contra totz».

O PP prencipia asinas una ofensiva churidica que encorrerá a qui haiga redactau os documentos, a qui lo filtre y a qualsiquier meyo de comunicación que dase veracidat t’os documentos.

Entre a lista de personas contra qui o PP luitará en os tribunals bi figura tamién Jorge Trías a qui, seguntes as fuents consultadas, se responsabiliza de haber filtrau a lista de Bárcenas a la depeixa El País.

«No podemos tolerar que se meta en qüestion que en o PP no bi ha habiu (sic) practicas ilegals u refusables en lo que pertoca a lo manullo d’os diners que tien asignaus», afirmó o vicesecretario d’o PP. Asinas, anunció accions chudicials, «penals u civils», contra «totz los que han atribuyiu a o PP u os suyos organos de dirección consultas irregulars, a los que lo han filtrau y a qui lo haigan publicau».

«A totz», insistió Floriano, «demandaremos a totz, contra totz. En a presentación d’a demanda has de refirmar-la documentalment, y queremos fer-lo con expertos caligrafos que refirmen a nuestra acción chudicial». ¿Qui son totz? «A totz, a totz, a totz. A partir d’astí s’articulará tecnicament ta plegar en o fundo de l’asunto y quede prebada a posición inmaculada d’o Partiu Popular, dica lo fundo».

Floriano tamién querió destacar o suyo «exercicio de transparencia» y se preguntó por qué «Rubalcaba no lo fa y s’acubilla dezaga d’a demanda de dimisions». Floriano insistió en que Rubalcaba «demanda dimisions», pero «en o caso Faisán nos reprochaba que nomás manullabanos informacions periodisticas. Ye una doble vara de medir la que aplica Rubalcaba».

Igual como González Pons o domingo, o portavoz d’o PP se refirió terne que terne a o lider d’o PSOE. Asegura que «Rubalcaba se mira t’atro cabo quan pertoca a lo suyo partiu: dica siet informes d’o interventor d’a Chunta d’Andalucía qüestionaban os pagos irregulars d’os ERE y regular que no demanda a dimisión d’o sinyor Grinyán«. Floriano calificó a Rubalcaba de «baixa catadura moral», ta decir contino que el no apuesta por o «y tú más».

«Ubierta la vía chudicial», dició», «quedará esclatero que no bi ha que una contabilidat y no bi ha habiu financiación ilegal, a diferencia d’o PSOE, unico partiu condenau por financiación ilegal».

Cuanto a las declaracions d’a renta, Floriano afirmó que «se ferán publicas ta que sigan conoixidas por totz» encara que no concretó que exercicios fiscals se publicarán.

Fuent: http://www.eldiario.es/politica/PP-presentara-demandas-informaciones-Barcenes_0_97640494.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.