O PP cada vegada gana por más esferencia as eleccions

A cayita socialista puede ser historica seguntes as enqüestas

As enqüestas que publican huei muitos meyos de comunicación dan una ampla victoria a o PP en as eleccions espanyolas d’o domingo venient. As más optimistas ta os populars lis fan ganar 198 escanyos (en El Mundo), encara que a mayoria situga ixos escanyos en arredol d’os 190 (La Vanguardia, El Periódico, El País u Abc).

Totz os sondeyos vaticinan una cayita historica d’o PSOE que podria quedar por baixo d’as 120 cadieras, en uns risultaus catastroficos ta la socialdemocracia light espanyola. Amuestran as enquestas una recuperación de IU, que en bells casos podria plegar dica os 11 escanyos (incluyindo l’aragonés compartiu con CHA y os catalans compartius con IC-V), a puyada d’UPyD mesmo dica os 4 diputaus y a cerenya dentrada d’Amaiur que tendria entre 4 y 5 cadieras.

En as versions dichitals nomás que El País refleixa os risultaus por territorios, que en o caso aragonés, como adebantaba o barometro d’o gubierno, ferian un 8 ta o PP-PAR, 4 ta o PSOE y 1 ta la Izquierda de Aragón.

3 Rispuestas a O PP cada vegada gana por más esferencia as eleccions

  1. Entalto Izquierda de Aragón, enta ra 2ª cadiera!

  2. Por yo, encantau. Ixo senificarba una cadiera menos ta o PSOE e ixo ya bueno t’Aragón.
    Ye tiempo de cambeo. Ye tiempo de movimiento (y no d’o nacional precisament). Ye tiempo de que de nueu o pais torne dica l’asperanza, dica o esdevenider ixo si, con esbronce de totz, con compromis, y con muito triballo.
    Son más de siet añadas de una pesadilla contina. Ixo no bi-ha pais que lo resista.
    Entabán Aragón.

  3. Dende l’ambista d’un expatriau iste resultau ye a-saber-lo malo y extranio. O PP no facio que mal en Aragon, y asinas contiara agora porque lis bufamos a pocha, no somos que quatro votos ta ells. Yo pasare ista lechislatura dende l’exilio. En casa no tiengo as oportnidatz que me dan difuera. A mia mai me li dicio l’atro’l diya quan la truqué: Fillo, no’n tornes. Aqui no bi-ha cosa, a cosa ye cada vegada pior. Si una mai te dice ixo… Agora prencipiaran pues as retalladas, planes de chestion hidricos, privatizacions (sanidat y amostranza — como en o pais an i soi) etc. Tos leyere dende difura ista lechislatura pues.

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.