O PP de Zaragoza demandará a lo Concello que convoque un referendum sobre movilidat urbana

Seguntes Eloy Suárez, ye l'inte de "quitar as urnas t'a carrera" porque "ye a hora de que se pronuncien os ciudadanos”

Eloy Suárez (Foto: Crónica de Aragón)

Eloy Suárez (Foto: Crónica de Aragón)

O portavoz d’o Partito Popular en o Concello de Zaragoza, Eloy Suárez, ha anunciau o maitin d’iste lunes que presentará una Propuesta de Resolución en o venient Debat sobre l’estau d’a Ciudat ta convocar un referendum en toda la ciudat ta conoixer a opinión d’a población zaragozana sobre a movilidat y sobre “como priorizar os radius recursos publicos t’amillorar o transporte publico en Zaragoza”.

Suárez ha explicau que a propuesta suposaría convocar a “totz os vicos y distritos” ta que respondan a una “pregunta de consenso” y ta que “os zaragozanos alporten a opinión suya sobre o principal problema d’a ciudat en iste inte”.

O portavoz d’o PP l’ha demandau a Juan Alberto Belloch que “se’n baixe d’a votura oficial” y “concare a realidat”, ascuitando a los vecins de Zaragoza y preguntando-les dreitament a opinión suya. Ta ello, ha demandau un “referendum de verdat, sin trampas y con guarencias”, ta que en a suya opinión “no puet estar que pase lo que pasó con as votacions t’a triga de Zaragozano Eixemplar”. En iste sentiu, ha planteyau que cal que os ciudadans tiengan d’antis “toda la información” y crei que “ista propuesta de resolución nos permitirá viyer que piensan sobre a participación ciudadana PSOE, CHA y IU y si les importa realment lo que os zaragozans opinan d’a movilidat en Zaragoza”.

Eloy Suárez ha apuntau que a propuesta “naixe con vocación de consenso” y ha demandau “chuego limpio” a l’hora de fixar una pregunta que permita saber realment “qual ye l’apuesta d’os zaragozanos” en l’aria d’a movilidat y “qué ye lo que quieren priorizar debant d’os radius recursos que bi ha: o bus u lo tramvía“. De feito, Suárez ha repetiu a suya apuesta por amillorar o transporte en autobús, medio que contina transportando a lo 85% d’os zaragozanos. “Tenemos a sensación de que os zaragozanos son prou carranyaus con o funcionamiento actual d’o transporte publico y por ixo creyemos que cal demandar-les o qué ye lo que quieren”, ha afirmau.

D’ista traza, a Colla Municipal Popular planteya “quitar as urnas t’a carrera” porque en a suya opinión “ye a hora de que se prenuncien os ciudadanos”. Seguntes Suárez, “a participación ciudadana no ye preguntar por o nombre d’un falcón u a color d’un puent, sino por os problemas que de verdat afectan totz os diyas a la ciudat”.

 

Fuent: http://www.cronicadearagon.es/wordpress/?p=45778

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.