O PP de Zaragoza denuncia o mal estau d’as zonas verdas d’a ciudat

Aseguran que a interpresa que fa o mantenimiento se troba en una situación de interinidat, con efectivos materials y personals de tot insuficients denuncian que o presupuesto no deixa de baixar entre que as zonas a cudiar no deixan de puyar.

O Parque Bruil, una d'as zonas verdas de Zaragoza

O Parque Bruil, una d’as zonas verdas de Zaragoza

Os responsables d’o Partiu Popular en Zaragoza ha denunciau que “as zonas verdas de Zaragoza se troban albandonadas y deixadas de tot” ,. Ista situación, seguntes o PP, ye culpa dreita de l’alcalde, Juan Alberto Belloch, a qui acusan de “deintrés por a chestión cutiana”. A traviés d’un comunicau, Enrique Collados, conceller d’o Concello de Zaragoza, ha penau por a “falta de mantenimiento que presenta quasi totz os parques y chardins d’a ciudat”.

En iste sentiu, os popular, han denunciau que o presupuesto que l’equipo de gubierno destina cada anyadas a conservar os espacios verdes s’ha achiquiu de traza important dende l’anyada 2009, entre que os espacios que cal mantener han puyau más d’un 50% dende que se fació a Expo. A traviés d’o debandito comunicau, Collados s’ha preguntau por as diferencias presupuestarias detinadas ta istos treballos: “¿Como ye posible que fa tres anyadas a ciudat destinase 13,7 millons d’euros a iste servicio y que agora bi haiga nomas 10 millons ta cudiar y mantener una superficie verda un 50% mayor?”, ha sinyalau.

“O problema de fundo son as prioridatz d’o PSOE”, ha dito Collados, antis de criticar bellas actuacions de l’equipo municipal como, por eixemplo o Centro de Arte y Tecnolochía que, seguntes o PP, ha costau 20 millons d’euros entre que se deixa “anguniando” a lo transporte publico y os parques y chardins se tornan “impracticables”.

Por ista razón, o PP ha anunciau que, en a venient Comisión de Cultura y Meyo Ambient demandarán una “intervención extraordinaria” que solucione lo que le cal a las zonas verdas d’a ciudat, asinas como a licitación de camín d’o nuevo achuste ta conservar y mantener parques y chardins que remató fa dos anyadas y meya.

 

Fuent: http://www.aragon2.com/n-20057-3-El_PP_de_Zaragoza_denuncia_el_mal_estado_de_las_zonas_verdes_de_la_capital?utm_source=feedburner&utm_medium=feed&utm_campaign=Feed%3A+Aragon2UltimasNoticias+%28Arag%C3%B3n2.com%29

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.