O PP de Zaragoza, en contra d’a peatonalización d’a carrera D. Chaime

Antimás, creye que o prolargamiento de Tenor Fleta ye un enganyo

C / D. Chaime (Foto: Wikipedia)

C / D. Chaime (Foto: Wikipedia)

O portavoz d’o PP en o Concello de Zaragoza, Pedro Navarro, ha preguntau en comisión sobre os prochectos anunciaus por Belloch mientres o Debat de l’Estau d’a Ciudat”, a on que se charró, entre atras obras, d’a peatonalización d’a carrera D. Chaime y de prolargar Tenor Fleta. Seguntes Navarro “o sinyor Pérez ha dito no tener ideya” sobre istos prochectos, “por lo que queda claro que se tracta d’una improvisación más con un obchectivo electoral y de tornar a enganyar a los zaragozanos”.

As obras de Tenor Fleta, remera o PP, “se licitoron chusto antis d’as eleccions de 2011 y dimpués o propio equipo de gubierno descartó lo prochecto”. Navarro denuncia que “o conseller d’Urbanismo ha reconoixiu que no saben quanto van a costar, quals son os plazos y sisquiá bi ha informes d’os tecnicos municipals”.

O PP ha refusau peatonalizar D. Chaime porque considera que ye “una ocurrencia más que no para cuenta d’atras qüestions estratechicas como as afeccions a lo comercio y a la hostelería, a la movilidat, u lo feito de que os vecins d’o Rabal se quedarán isolaus y sin conexión dreita con o centro”. Tamién qüestionan que a infraestructura prioritaria de Zaragoza siga prolargar Tenor Fleta: “Nos preguntamos si ye a inversión más important cuanto a los afers viarios que le cal a Zaragoza, porque con as principals carreras d’a ciudat estando como en son, con as calzadas estricalladas por as obras, con una operación gudrón de nomás 200.000 euros, con l’Avenida Navarra grieument estricallda, ¿Ye ista a prioridat?”

Tamién qüestionan o presupuesto d’a obra, preguntando-se “como ye posible que o gubierno diga que a obra de Tenor Fleta que costaba 20 millons en cueste agora 12? ¿Que iban a fer con os atros 8 millons?”.

 

Una rispuesta a O PP de Zaragoza, en contra d’a peatonalización d’a carrera D. Chaime

  1. L. Sabirón (Campo de Daroca)

    El titular podría haber sido: ” El PP de Zaragoza, en contra de la europeización de la ciudad”. Un partido político que tiene como proyecto de ciudad el mismo que tenían los alcaldes predemocráticos de los años 70… mucho coche y más asfalto y deshumanizar la ciudad.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.