O PP de Zaragoza exiche a Belloch “flexibilidat” en a Ordenanza d’as terrazas

A interpretación d'a normativa ha feito sacar arrienda mesas y sillas d'as terrazas

terrazaO portavoz d’o PP en o concello de Zaragoza, Pedro Navarro, ha tornau a acusar hue a lo Gubierno d’a ciudat de “afogar” a lo sector hostelero zaragozano con a reinterpretación que son fendo d’a Ordenanza de terrazas aprebada en 2012. Navarro ha declarau que Belloch y l’equipo suyo “son amugando de traza grieu a instalación de mesas y sillas en achiquir o espacio suyo en un 25%”, situación que “tien repercusión dreita sobre cientos de negocios y sobre l’emplego que istos locals cheneran”.

Os datos replegaus por os respresentants de bars y cafeterías indican que ha baixau en un 37% o numer de sillas, con 305 mesas menos cuanto a l’anyo anterior. En iste sentiu, son os criterios con que s’interpreta la Ordenanza os que son chenerando quasi totz os problemas que hue critican os hostelers, precisament “en un inte especialment embolicau ta un sector que fa milenta puestos de treballo en a ciudat”.

Por ixo, ha insistiu en que cal “flexibilizar” ixos criterios tecnicos y ha penau porque Belloch no haiga atendiu a demanda que fació fa quasi quatre meses a Colla Municipal Popular ta creyar una colla de treballo entre os tecnicos municipals y o sector d’a hostelería. “Una vegada más, o Gubierno de Zaragoza no ha ascuitau una propuesta d’o artiu Popular que prebaba de trobar solucions a un problema real que afecta dreitament a cientos de negocios y arrisga quasi 700 emplegos”, critica Pedro Navarro.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.