O PP de Zaragoza presentará una moción sobre as botelladas

O suyo obchetivo ye "revisar o modelo d'ocio y borina" d'a chovenalla

O portavoz d’o PP zaragozano, Eloy Suarez, ha anunciau hue que o suyo partiu presentará en o venient pleno una proposa ta cambiar “o modelo d’ocio y borina d’a chovenalla zaragozana”. Seguntes o conceller “bi ha prous feitos” ta mirar de cambiar a traza que tienen a chovenalla de divertir-se y metió como eixemplo a muerte de dos zagals en as pasadas fiestas d’o Pilar.

Antimás d’ixo Suárez crei que bi ha una puyada d’o vandalismo, d’as botelladas masivas, d’as agresions y os accidents provocaus por iste modelo d’ocio. Ye por ixo que presentan ista moción que podría cambiar l’actual Ordenanza Civica de Zaragoza ya que, en opinión d’o conceller “se puet amillorar ista lei”.

A proposa d’o PP ye de creyar una mesa de treballo a on que sigan representaus diferents achents socials y partius politicos ta proposar, en seis meses, un programa de midas que “amilloren os actos festivos”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.