O PP define en Zaragoza o futuro de l’Administración publica

S'aspera que i vaigan más de trescientas personas

Luisa Fernanda Rud (foto: Gubierno d'Aragón)

O Partiu Popular (PP) celebrará en Zaragoza dende hue y dica o domingo o segundo d’as suyas quatre trobadas previstas, a ran estatal, ta fer conoixer as suyas proposas cara t’as venients eleccions. Iste foro de debat interno d’o partiu leva por nombre “Administracions austeras y eficaces”.

O evento ye en o World Trade Centar de Zaragoza y o partiu crei que bi irán entre 200 y 300 personas. A debantadera d’ista trobada popular ha corriu a cargo d’a secretaría cheneral d’o PP, María Dolores de Cospedal.

María Dolores Cospedal, que plega de presentar un duro plan de retalladas en Castilla-La Mancha,  ha dito que os gubiernos populars triballaran ta creyar empleo. Ta isto, afirma Cospedal que cal aclarir as cuentas publicas y chestionar de manera eficaz os servicios publicos.

Ta ubrir o foro, a las 11.00, Cospedal ha estau alcompanyada por l’alcalde de Madrid, Alberto Ruiz Gallardón y  por o coordinador d’Estudios y Programas d’o partiu, Baudilio Tomé. Dende as 12:00 s’ha feito a primer mesa redonda d’ista chornada baixo o nombre “Austeridat, transparencia y suficiencia financiera. Ista rufierta ha estau moderada por a portavoz d’o PP en o Congreso espanyol, Soraya Sáenz de Santamaría, y bi’n han partecipau o conseller de Ficienda y Administración Publica d’o Gubierno, Mario Garcés, o director de programas de chestión publica d’o IESE, Antonio Nuñez, y o socio responsable d’o Sector Publico de Accenture, Carlos Coll.

De tardis, dende as 17.00, a segunda mesa redonda d’o Foro popular. En iste caso, a rufierta levará por titol “Una administración moderna, eficaz y sin duplicidatz” y será moderada por o secretario cheneral d’a colla popular en o Senau espanyol, Antolín Sanz. O director d’o Centro PwC&ie d’o SEctor Publico, Julio Gómez, o director cheneral de StepOne Ventures, Jose Luis Moreno, y o subdirector d’a Escuela Diplomatica, Jose Ramón García serán os ponents d’a mesa.

O Foro Popular rematará o domingo 25 a las 11..00 de man d’os liders d’os populars, Mariano Rajoy. Chunto a ell i participarán o vicesecretario cheneral de Politica Autonomica y Municipal, Javier Arenas, l’alcaldesa de Valencia Rita Barberá y la presidenta d’o Gubierno, Luisa Fernando Rudi.

Mientres tot lo cabo de semana, en as dos mesas redindas, os miembros d’o Partiu Popular prebarán de dedinir enta do s’ha de endrezar a chestión de las Administracions ta concarar a situación financiera. L’austeridat y a eficiencia serán as dos parolas claus que rechirán iste foro que metería os alazetz d’una futura Administración publicada orientada a la eficacia.

Fuent: http://www.aragon2.com/n-12867-3-PP_definira_Zaragoza_futuro_Administracion_publica

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.