O PP insiste en a impugnación d’os concelleros de IU en Zaragoza

IU diz que a impugnación d'o PP d'os suyos concelleros en Zaragoza ye antidemocratica

O PP ha votau iste maitín contra a desestimación d’o recurso presentau contra a presa de posesión d’os concelleros d’IU José Manuel Alonso, Pablo Muñoz y Raúl Ariza. O secretaire d’o pleno d’o Concello ha presentau en a Comisión d’o Presidencia un escrito refirmando a legalidat d’o proceso de constitución y a desestimación d’a impugnación, contra la que ha votau o PP.

Os tres concelleros de IU prometioron o cargo adhibindo custions relativas a la forma d’organizacion de l’estau, o laicismo d’os poders publicos u lo 15-M. Iste feito fació que o PP recurrise o nombramiento d’os concelleros d’o PP. Con o suyo voto huei, insisten en a suya impugnación. Cal remerar que o PP quedo a nomás un concellero d’a mayoria absoluta en o Concello de Zaragoza.

Dende IU, o vocero, José Antonio Alonso, asegura que as actitutz d’o PP son antidemocraticas y ha esfendiu a imparcialidat d’o secretaire d’o Concello.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.