O PP y Belloch refusan sacar o crucifixo d’o concello

Una moción de CHA demandaba l'aconfensionalidat institucional y sacar os simbolos relichiosos d'os espacios oficials.

Juan Martín, de CHA (Foto: CHA)

Juan Martín, de CHA (Foto: CHA)

O crucifixo continará en o concello zaragozano. L’alcalde Juan Alberto Belloch ha uniu o suyo voto a los d’os concellers d’o PP en contra d’una moción presentada por CHA y que refirmoron os representants de IU. A resta de concellers d’o PSOE s’abstenioron.

Ista moción planteyaba una declaración de aconfesionalidat institucional, sacar os simbolos relichiosos d’os espacios oficials municipals, y una modificación d’o reglamento de protocolo ta guaranciar a separación entre o poder politico y o relichioso y a neutralidat confesional d’os poders publicos.

Fernando Gimeno, vicealcalde d’a ciudat, ha proposau votar por separau bells puntos d’a moción presentada por Chunta, decindo que dende o PSOE se refirmaban bells puntos, pero no o de sacar os simbolos, como o polemico crucifixo. Dende CHA opinan que en ‘a vida cutiana as relichions, u a manca d’ellas, se viven con normalidat’ y que quieren ‘enantar en a laicidat’. Tamién han remerau a o PSOE que, tanto Rubalcaba como Chacón, ‘centroron as suyas candidaturas en afers de laicidat. IU ha convidau a os representants d’o concello a ‘participar en actos relichiosos a ran particular y no pas oficial. D’atra man, o conceller d’o PP, Pedro Navarro, ha preguntau a Juan Martín, de CHA, ‘porqué no yera incluyiu iste punto en l’alcuerdo de gubernación con o PSOE si yera tant important ta ells’.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.