O pre d’a birolla continará puyando en o mundo, seguntes a FAO

En 2010, 925 millons de personas en o mundo padeixen fambre

O pre d'o minchar continará puyando

O pre d'o minchar continará puyando

Pres no guaire estables y alteros. O minchar continará puyando de pre, menazando con a inseguridat alimentaria y fendo creixer a pobreza en muitos países dependients d’a importación de minchada, sobre tot en África. Son os risultaus d’un nuevo informe sobre a fambre en o mundo publicau por a Organización d’a ONU ta l’Alimentación y l’Agricultura (FAO).

O documento alerta que istas crisis, incluindo a d’o Cuerno d’África, son fendo deficils os esfuerzos por aconseguir os Obchectivos de Desembolique d’o Milenio de reducir a la meitat a cantidat de personas que sufren fambre en o mundo ta 2015.

David Dawes, economista prencipal d’a FAO, esplanicó que a volatilidat fa mas “arriesgadas” as inversions d’os productors, ya que no saben si os resultaus d’as sullas cullitas van a ser rentables.

“Por unatro costau, l’alza d’os pres a corto plazo, puede tener efectos grieus ta una familia si ista ha de achiquir o consumo de aliments nutritivos en un inte crucial t’o desembolique d’os suyos ninos”, dició Dawes.

Dawes adhibió que ixa carencia podría limitar grieument o desembolique intelectual d’os menors y reducir de traza permanent o suyo potencial.

L’informe d’a FAO indica que en 2010, 925 millons de personas sufriban fambre a ran global, frent a 850 millons que la padeixeban en o periodo 2006-2008.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.