O premio COAGRET 2011 ta l’Asociación ‘Riaño Vive’

Fa 25 anyadas que prencipió a plenar-se o entibo

cartelCOAGRET fació dentrega iste pasau cabo de semana d’o premio COAGRET 2011 a la Asociación Riaño Vive mientres as Chornadas d’o Caldero 2012, os diyas 25, 26 y 27 de mayo en a mesma localidat de Rianyo (Leyón).

O entibo de Rianyo prencipió a plenar-se fa 25 anyadas con l’obchetivo de fer regano 80.000 nuevas hectareas. En iste triste cabo d’anyo a Coordinadora d’Afectaus por entibos y trasvases (COAGRET) ha quiesto fer un homenache con o suyo premio ta l’Asociación que fa remanir vivo o esprito que prebó d’esfender a montanya leyonesa d’as esferras.

COAGRET ha quiesto premiar en l’Asociación Riaño Vive, a memoria de Rianyo y d’atros ueito lugars que estioron destruyius por causa de l’entibo. Tamién ha quiesto ‘premiar en ells l’asperanza en un esdevenider millor t’o territorio suyo, pero tamién a on que siga la chent d’a montanya leyonesa, siempre rebaixada, a que decida sobre o suyo esdevenider. Un esdevenider que prebablement signifique un entibo de Rianyo más chicot’. Mientres as chornadas se fació esclatero o baixo porcentache d’execución d’o regano previsto, y o alter coste suyo: 441 millos d’euros executaus dica agora, y o leixos que ye de fer-se ruixiar tot lo que manca d’executar evalguau en 1.291 millons d’euros. Os calculos d’amortización d’a inversión, destinando o 100% de l’esquilmen plega ta 92 anyadas, lo que indica o desproposito d’os calculos d’o procheto vendius ta chustificar a construcción de l’entibo de Rianyo.

 

Fuent: http://arainfo.org/2012/05/el-premio-coagret-2011-para-la-asociacion-riano-vive/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.