O president d’o Tribunal Constitucional pagó condutas de militant a o PP

A lei vieda que os chueces y machistraus preteneixcan a partius politicos y sindicatos

rey-cobos-bdiaz--644x362O president d’o Tribunal Constitucional, Francisco Pérez de los Cobos, pagó condutas de militant a o PP, seguntes ‘El País‘. O diario sinyala que o president d’o TC figura en a lista de donants y afiliaus d’o partiu. O documento procede d’o sumario d’o caso Bárcenas y revela que Pérez de los Cobos habría pagau a o PP cantidatz que corresponden a la conduta basica d’os militants en Barcelona como minimo en 2008, 2009, 2010 y 2011.

De los Cobos estió trigau machistrau de l’alto tribunal o 29 d’aviento de 2010 y prenió posesión en 2011.

Seguntes o listau, que forma parte d’o sumario d’o caso Bárcenas, o president d’o Constitucional amaneixería identificau con o numero de Documento Nacional d’Identidat. A cantidat aportada sería de 37,14 euros por anyo (cantidat que coincide con a conduta minima que pagan os militants populars en a ciudat de Barcelona).

Istas aportacions, como en o caso d’a resta d’afiliaus, se destinan a sufragar os gastos d’o partiu.

Francisco Pérez de los Cobos Orihuel (Murcia, 1962) substituyó en chunyo de 2013 en o cargo de president a o machistrau de perfil progresista Pascual Sala, que ocupaba a presidencia de l’alto tribunal dende chinero d’o 2011.

O churista, doctor en Dreito por as universidatz de Valencia y de Bolonia, ye catedratico de Dreito d’o Treballo y d’a Seguridat d’a Universidat Complutense de Madrit. Amás, estió catedratico d’a Universitat Autonoma de Barcelona y asesor por medio d’a elaboración de dictamens u informes en qualques institucions, entre ellas a Generalitat de Catalunya y o Tribunal Laboral de Catalunya.

Fuent: http://noticies.sirius.cat/2013/07/el-president-del-tc-va-pagar-quotes-de.html

Una rispuesta a O president d’o Tribunal Constitucional pagó condutas de militant a o PP

  1. Pingback: O president d’o Tribunal Constitucional pagó condutas de militant a o PP | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.