O president espanyol convoca as eleccions d’o 20-N

Zapatero ha dito que Espanya saldra d'a crisis mas luego que no tardi. A campanya prencipiará o 4 de noviembre

O president espanyol ha convocau as eleccions

O president espanyol ha convocau as eleccions

José Luis Rodríguez Zapatero, president d’o Gubierno espanyol mientres que os zaguers 7 anyos, ha dito adios huei dictando a disolución d’as cortz espanyolas y convocando eleccions o 20 de noviembre.

Zapatero ha quiesto agradixer a os parlamentarios o triballo mientres totz istos anyos, asinas como a os ministros y ministras que l’han alcompanyau. En o suyo adios, Zapatero s’ha amostrau convenciu que Espanya aconseguira salir d’a crisis mas luego que no tardi.

Rajoy diz que remata un periodo negro d’Espanya

Mariano Rajoy, chefe d’a oposición en os gubiernos de Zapatero, ha rispuesto a lo discurso de Zapatero dicindo que ha rematau un periodo pesimo ta Espanya y os espanyols. Rajoy ha aproveitau ta fer campanya, ufrindo a o PP como o partiu que puede liderar un cambeo “pero siempre triballando a ixena” con a resta d’a sociedat.

CHA remarca as retalladas socials de Zapatero como balance d’a suya lechislatura

A presidenta de CHA, Nieves Ibeas, ha creticau a Rodríguez Zapatero por demandar confitanza a una ciudadania que encara ye afectada, de raso, por as retalladas socials. A lechislatura, seguntes Ibeas, ha estau “un herencio pesimo ta la clase triballadera” y una irresponsabilidat por “esfender a qui ha prevocau a crisis actual”.

A campanya prencipiará o 4 de noviembre

O 4 de noviembre prencipiará a campanya electoral, y dimpués d’as eleccions, o 13 d’aviento se constituyirán as dos cámaras d’as Cortz espanyolas. En Aragón, os prencipals partius triballan de cara a istas calendatas, y mientres que PP y PAR iran chuntos en una candidatura, o PSOE se presentará solenco. Dende a cucha con ripresentación parlamentaria en Aragón (IU y CHA) tamién se triballa en una candidatura conchunta.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.