O PRI torna t’o poder en Mexico

Peña Nieto gana as eleccions con o 38% d'os votos

Peña Nieto, o venient president de Mexico (Foto: Wikipedia)

Peña Nieto, o venient president de Mexico (Foto: Wikipedia)

O Partiu Revolucionario Institucional tornará a exercer la presidencia de Mexico, dimpués de dotze anyadas. O PRI, que heba gubernau o país en solitario dende 1929 dica 2000, ha conseguiu una esclatera victoria con un 38% d’os votos. O candidato d’o PAN (Partiu d’Acción Nacional), dica agora en o poder, ya ha reconoixiu a redota.

Leonardo Valdés Zurita, president conceller de l’IFE (Instituto Federal Electoral), que ye l’autoridat electoral en Mexico, ha anunciau que Peña Nieto ha conseguiu entre o 37,93 y o 38,55 % d’os votos, seguiu por o candidato d’o Movimiento Progresista, Andrés Manuel López Obrador, que ha teniu entre o 30,90 y o 31,86%.

Por dezaga son l’aspirant d’o PAN, partiu que gubernaba dica agora, Josefina Vázquez Mota, que s’adchudicau entre o 25,10 y o 26,03 % d’os votos y o de Nueva Alianza, Gabriel Quadri de la Torre, que tien entre 2,27 y 2,57 % d’os votos.

Cuanto a la participación, o president conceller de l’IFE ha dito que s’ha situau arredol d’o 62% d’o censo electoral, y ha agradeixiu que ha ciudadanalla haiga ir t’as urnas.

En a suya primer reacción publica, qui podría estar o nuevo president de Mexico ha dito que a victoria d’o PRI no significará una tornada t’o pasau porque qui prene o gobierno agora ye una nueva cheneración tamién aintro d’o partiu. Peña Nieto ha aprofeitau o suyo charrazo ta indicar que continará en a luita contra o narcotráfico y ta marcar as reformas económicas como l’exe d’a suya politica.

Fuent: http://www.vilaweb.cat/noticia/4025237/20120702/pri-torna-poder-mexic.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.