O primer lipdub aragonés, contra o recreiximiento de Yesa

Se grabó en a localidat zaragozana d’Artieda y bi participoron más de 200 presonas en a suya elaboración, con fundo mosical de Mallacán

O primer lipdub politico aragonés ya ye en o rete. Mas de 300 personas i participoron en a grabación d’iste video que, empentau por o Concello d’Artieda y o Bloque Independentista de Cuchas, tornar a deixar platera la oposición a o recreiximiento de Yesa.

Con motivo d’o 5º festival Esfendemos a Tierra, celebrau o zaguer mes de chulio, decenas de personas facioron parti d’iste recorriu mosical por as carreras d’a localidat. Vecins d’o lugar y chent que estió en o festival implen o video d’humor y reivindicación con mosica, chuegos tradicionals, fuego, bastons, dances y banderas.

Iste tipo de videos consisten ensincronizar os cenyos, labios y movimientos d’os participants con una mosica conoixida. En iste caso a canta trigada ha estau “O mirallo crebau” de Mallacán, una canta que charra d’a inundación de lugars vivos baixo as auguas d’os entibos.

A localidat d’Artieda, en o Viello Aragón, puesto emblematico de la luita contra os entibos en Aragón, ha estau o scenario perfecto t’a grabación d’o lipdub que pretende fer conscient a traviés d’a mosica sobre a dignidat y esfensa d’as tierras y chents afectadas por grans prochectos como Yesa, Biscarrués, Mularroya u Castanesa.

Una rispuesta a O primer lipdub aragonés, contra o recreiximiento de Yesa

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.