O programa “Montanyas Seguras” ha asesorau a mas de diez mil menors iste verano

Iste programa aduya a prevenir accidents en actividatz realizadas en a naturaleza y alta montanya

Tuca de Pineta. Foto: Biquipedia (CC-BY-SA)

Tuca de Pineta. Foto: Biquipedia (CC-BY-SA)

O programa de prevención d’accidents “Montanyas Seguras” ha relizau labor d’asesoramiento en practicas d’alta montanya a mas de diez mil menors mientres iste verano, arredol d’uns 160 campamentos en Aragón.

Iste programa ha realizau a suya labor en os meses de chunio, chulio y agosto fendo arribar información sobre prevención en actividatz en alta montanya y en o medio natural mediant formación a menors y turistas gracias a o suyo ret de divulgadors, 564 voluntarios y voluntarias en 321 puntos d’información.

Antonio Suárez, consellero de Politica Territorial y Interior d’o Gubierno d’Aragón, ha explicau que s’han realizau 12 actividatz presencials dirichidas a menors en diversos campamentos, mas que mas en os Pirineus. Istos programas han permitiu formar a quantos menors de dentro y difuera d’Aragón.

O consellero ha comentau que l’aplicación mobil Alpify, una novedat que aduya a fer mas seguras as actividatz en a naturaleza, ha teniu unas 3.200 descargas. Ista ferramienta permite que as personas sigan localizadas por os servicios d’emerchencia en tot momento gracias a un cheolocalizador.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.