O PSOE aragonés presenta una propuesta de modificación d’a constitución espanyola

O documento de 50 pachinas estió presentau en a Universidat de Zaragoza y preba d'enantar enta un estau federal

Lambán en a rueda de prensa (Foto: PSOE)

Lambán en a presentación d’o documento (Foto: PSOE)

O PSOE d’Aragón ha presentau iste martes una propuesta de reforma d’a constitución espanyol, elaborada por un equipo d’o Departamento de Dreito Constitucional d’a Universidat de Zargoza. Entre atras midas se i fer desapareixer o Senau u a imposibilidat d’eliminar por lei a sanidat universal, de calidat y de baldes ta totz.

Juer Lambán, portavoz d’o PSOE, ha resumiu as propuestas feitas t’o debat arredol d’a reforma d’a Constitución: “Amanar l’estau autonomico t’o modelo federal y amillorar a calidat d’a nuestra democracia”. En iste sentiu, ha explicau que as principals propuestas ta l’amillora d’a calidat democratica pasa por empentar a iniciativa lechislativa popular achiquindo o numer de firmas que calen y enampar as dembras que puet tractar-ne. Tamién s’empenta o referendum consultivo enamplando a iniciativa ta proposar-lo y as materias que se podrían consultar.

Entre istas propuesta tamién s’amuga la irresponsabilidat y inviolabilidat d’o Rei t’os actos feitos en l’exercicio d’o suyo cargo como chefe de l’estau ta sacar d’iste estatuto churidico os actos personals y privaus. Antimás se’n sacaría o reconoiximiento expreso t’a ilesia catolica que ye en l’articlo 16.3 d’a constitución espanyola.

Atro d’os puntos importants d’o documento ye deixar esclatera a distribución de competencias entre l’Estau y as comunidatz autonomas y amillorar a financiación autonomica, fixando-la en a propia constitución. Cuanto a iste afer, Lambán ha proposau que as comunidatz autonomas asuman a responsabilidat d’o gasto suyo a traviés d’un amplo poder impositivo, contimparando-lo con o modelo d’Estaus Unius. “Aragón se troba en una situación cheografica de risque entre a Espanya foral y Catalunya y contra ixo imos a reaccionar”, ha dito.

As propuestas t’a reforma constitucional son estadas coordinadas por o catedratico de Dreito Constitucional, Manuel Contreras y bi han participau os profesors Eva Saenz Royo, Carlos Garrido, Enrique Cebrián y Pedro Luis Martínez Pallarés. O documento final ye de bellas 50 pachinas y seguntes Lambán, “da respuestas a muitas d’as incognitas que bi ha en o nuestro país”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.